खांबाडा येथे महिलेकडून अवैध दारू विक्री; पोलिसांची कारवाई, २२२० रुपयांचा मुद्देमाल जप्त बातमी: चेतन लूतडे  वरोरा, दि. 9 एप्रिल – पोलिसांना मिळालेल्या खात्रीशीर माहितीच्या आधारे वरोरा पोलीस ठाण्याच्या पथकाने खांबाडा येथे छापा टाकून ४५ वर्षीय महिलेकडून अवैध दारू जप्त केली. आरोपी लिना चंद्रकांत बोरकर ही मजुरीचा धंदा करते व खांबाडा येथील बस स्टॉपजवळील खोलगट भागात देशी दारूची विक्री करत असल्याची माहिती मिळाल्याने पोलिसांनी कारवाई केली. पोलीस निरीक्षक शरद श्याम भस्मे यांच्या मार्गदर्शनाखाली पथकाने पंचांच्या उपस्थितीत संशयित महिलेकडे झडती घेतली असता तिच्याकडून ३८ सिलबंद देशी दारूच्या शिश्या (प्रत्येकी ९० एम.एल.), ७०० रुपये रोकड असा एकूण २,२२० रुपयांचा मुद्देमाल हस्तगत केला. आरोपीकडे दारूचा कोणताही परवाना नसल्याचे उघडकीस आले. पोलिसांनी आरोपीविरुद्ध महाराष्ट्र दारूबंदी कायद्याचे कलम ६५(ई) अन्वये दिनांक सात तारखेला वरोरा पोलीस स्टेशन अंतर्गत गुन्हा नोंद केला आहे . वरोरा आणि खांबाडा येथील दोन पंचाच्या समक्ष पंचनामा करून दारूचा नमुना तपासणीसाठी जप्त करण्यात आला.  ही दारू कुठून...