वरोरा तालुका सहकारी शेतकी खरेदी-विक्री संस्थेवर भगवा अध्यक्ष व उपाध्यक्ष बिनविरोध .विजय मोकासे यांची अध्यक्षपदी, अरुण खारकर यांची उपाध्यक्षपदी एकमुखी निवड

वरोरा तालुका सहकारी शेतकी खरेदी-विक्री संस्थेवर भगवा अध्यक्ष व उपाध्यक्ष बिनविरोध

विजय मोकासे यांची अध्यक्षपदी, अरुण खारकर यांची उपाध्यक्षपदी एकमुखी निवड

वरोरा, दि. १० एप्रिल – वरोरा तालुका सहकारी शेतकी खरेदी-विक्री सहकारी संस्थेच्या २०२५-२०२६ ते २०२९-२०३० या पंचवार्षिक कालावधीसाठी झालेल्या निवडणुकीत सर्व संचालकांची बिनविरोध निवड झाली. त्यानंतर आज झालेल्या अध्यक्ष व उपाध्यक्ष पदाच्या निवडणुकीतही विजय मोकासे यांची अध्यक्षपदी तर अरुण खारकर यांची उपाध्यक्षपदी एकमुखी व बिनविरोध निवड करण्यात आली. या निवडणुकीमुळे संस्थेवर भगवा फडकला आहे.

ही संपूर्ण निवडणूक प्रक्रिया शांतता व एकमताने पार पडली. यामध्ये माजी गृहराज्यमंत्री हंसराज अहीर, जिल्ह्याचे नेते माजी मंत्री आमदार सुधीर मुनगंटीवार, चिमूर विधानसभा मतदारसंघाचे आमदार बंटीभाऊ उर्फ कीर्तीकुमार भांगडीया, वरोरा विधानसभा क्षेत्राचे आमदार करण देवतळे, आमदार किशोर जोरगेवार तसेच राजुरा विधानसभा क्षेत्राचे आमदार देवराव भोंगळे यांच्या मार्गदर्शनाखाली व चंद्रपूर जिल्हा बँकेचे अध्यक्ष रवींद्र शिंदे यांच्या नेतृत्वात ही निवडणूक प्रक्रिया यशस्वी झाली.

या निवडणुकीच्या वेळी सभापती कृषी उत्पन्न बाजार समिती वरोरा डॉ. विजय देवतळे, चंद्रपूर जिल्हा मध्यवर्ती सहकारी बँकेचे संचालक तथा उपसभापती जयंत टेमुर्डे, तात्या पाटील चौधरी, बाळूभाऊ भोयर, साहेबराव ठाकरे, विजय पावडे, चरण मोडक, चंद्रशेखर नौकरकार, रामदास थेटे, नंदा जुनगरे, तसेच सौ. ललिता देवतळे आदी मान्यवर उपस्थित होते.

या बिनविरोध निवडीमुळे संस्थेच्या कामकाजाला नवी दिशा मिळणार असून, शेतकरी बांधवांच्या हितासाठी सर्व संचालक एकजुटीने काम करतील, असा विश्वास व्यक्त करण्यात आला.