महादेव आसेकर यांची वरोऱ्यात चर्चा.
वरोरा दि. 26 फेब्रुवारी २०२६: एक धक्कादायक बाब समोर आली आहे. वरोरा येथील रहिवासी असलेल्या महादेव गुलाबराव आसेकर या तरुणाने स्वतःला भारताचा पंतप्रधान असल्याचे सांगत पोलिसांकडे एक विलक्षण मागणी केली आहे. या संबंधात वर्तमानपत्रात वार्ता आल्याने महादेव आसेकर यांची चर्चा संपूर्ण परिसरात केली जात आहे.
आपण नुकतेच पंतप्रधानपदी नियुक्त झाल्याचे त्यांनी नमूद करत, श्री. आसेकर यांनी पोलीस अधीक्षक कार्यालयाला एक पत्र पाठवले आहे. या पत्रात त्यांनी पंतप्रधान म्हणून मिळणारे प्रमाणपत्र आणि अंगरक्षक व पिस्तूल लगेच घरपोच उपलब्ध करून देण्याची मागणी केली आहे. बऱ्याच दिवसापासून ही मागणी केल्याचे त्यांनी सांगितले आहे.
याबाबत त्यांनी वरोरा पोलीस स्टेशनमध्ये तक्रार केली असली तरी, तेथील वरिष्ठ अधिकाऱ्यांनी त्यांच्या मागणीकडे दुर्लक्ष केल्याचा आरोपही त्यांनी केला आहे. या अधिकाऱ्यांनी कर्तव्यात हयगय केल्याने त्यांना निलंबित करून त्यांच्या जागी तंदूलकर यांची तात्काळ पोलीस निरीक्षक (ठाणेदार) म्हणून नियुक्ती करण्याची मागणी त्यांनी आपल्या पत्रात केली आहे.
पोलिसांनी मात्र या पत्राची गंभीर दखल न घेता, ही एक प्रकारची मस्करी किंवा मानसिक अस्वस्थतेची लक्षणे असल्याचे सांगितले आहे.
श्री. आसेकर यांनी पत्राच्या शेवटी 'पंतप्रधान (PM) भारत सरकार आणि 'सदेव आपल्या सेवेत' अशी स्वाक्षरी केली असून, त्यांची ही मागणी सोशल मीडियावर चर्चेचा विषय ठरली आहे.
या युवकाजवळ फॉर्च्यूनर कंपनीची गाडी असून या गाडीवर पंतप्रधान असे लिहिल्याने वरोरा शहरात चर्चेचा विषय ठरली आहे.
......................
Comments
Post a Comment