बहिरम बाबा चषक २०२६ चा थाटात पारितोषिक वितरण सोहळा; रवींद्र शिंदे यांच्या हस्ते विजेत्यांचा गौरव

: बहिरम बाबा चषक २०२६ चा थाटात पारितोषिक वितरण सोहळा; रवींद्र शिंदे यांच्या हस्ते विजेत्यांचा गौरव

घुग्घूस (जि. चंद्रपूर), दि. २ मार्च: चंद्रपूर जिल्ह्यातील घुग्घूस शहराचे कुलदैवत बहिरम बाबा यांच्या स्मृतीप्रीत्यर्थ आयोजित बहिरम बाबा चषक २०२६ स्पर्धेचा पारितोषिक वितरण सोहळा मोठ्या उत्साहात पार पडला. बहिरम बाबा देवस्थान समितीच्या वतीने आयोजित या कार्यक्रमाच्या अध्यक्षस्थानी चंद्रपूर मध्यवर्ती जिल्हा बँकेचे अध्यक्ष रवींद्र शिंदे हे उपस्थित होते.

यावेळी अतिथींच्या हस्ते स्पर्धेतील विजेत्या संघाला चषक व रोख रक्कम देऊन गौरविण्यात आले. कार्यक्रमाच्या यशस्वीतेसाठी रघुवीरजी हसराजभैय्या अहिर, भाजपा तालुकाध्यक्ष विनोदजी केवले, प्रज्वलजी किशोरभाऊ जोरगेवार आणि नकुल शिंदे यांच्यासह अन्य मान्यवर व भाविक मोठ्या संख्येने उपस्थित होते. या सोहळ्याने कुलदैवताच्या भक्तीबरोबरच क्रीडा क्षेत्रातील उपक्रमांनाही चालना मिळाल्याचे मत उपस्थितांनी व्यक्त केले.