वरोरा (जि. चंद्रपूर), दि. १२ मार्च: इंडिया कॅरम क्लब, वरोरा तर्फे येत्या २२, २३, २४ व २५ मार्च रोजी भव्य ऑल इंडिया कॅरम स्पर्धेचे आयोजन करण्यात आले आहे. ही स्पर्धा सिद्धिविनायक सभागृह, पोलीस स्टेशन समोर, वरोरा (नागपूर-चंद्रपूर महामार्गालगत) येथे पार पडणार आहे. दरवर्षी ही स्पर्धा आयोजित केल्या जाते.
स्पर्धेत सिंगल व डबल अशा दोन्ही गटांसाठी आकर्षक बक्षिसे ठेवण्यात आली आहेत. सिंगल गटात प्रथम क्रमांकास ३१,००१ रुपये, द्वितीय क्रमांकास १५,००१ रुपये , तृतीय क्रमांकास ७,००१ रुपये देण्यात येतील.
डबल गटात प्रथम क्रमांकास ४१,००१ रुपये (मा.सौ. अर्चना आशिषभाऊ ठाकरे, नगराध्यक्षा, स्व. बाबाजी खापने स्मृतीप्रित्यर्थ मा.श्री. जगदीश खापणे, मा.सौ. लिना संजय गयनेवार यांचेतर्फे), द्वितीय क्रमांकास २५,००१ रुपये (स्व. अभय मेश्राम स्मृतीप्रित्यर्थ मा.श्री. भारत नेरकर, मा.श्री. मनीष जेठानी, मा.श्री. कुणाल रुयारकर, मा.श्री. गजानन जीवतोडे, मा.श्री. भरत तेला यांचेतर्फे), तृतीय क्रमांकास ११,००१ रुपये (मा.श्री. कासिफ खान, मा.श्री. प्रविण काकडे यांचेतर्फे) अशी बक्षिसे जाहीर करण्यात आली आहेत. तसेच मा.श्री. अक्षय सोनटक्के यांचेतर्फे सर्व आकर्षक चषक (शिल्ड) प्रदान करण्यात येतील.
या स्पर्धेसाठी प्रवेश फी सिंगलसाठी ५०० रुपये तर डबलसाठी १००० रुपये आहे. आसिफ शेख यांच्या वतीने खुले ते शेवट या विशेष बक्षीसाची रक्कम ११०१ रुपये आहे.
बाहेरगावच्या खेळाडूंसाठी राहण्याची व भोजनाची व्यवस्था मंडळातर्फे करण्यात येईल. अशा खेळाडूंनी २२ मार्च रोजी दुपारी १२ वाजेपर्यंत स्पर्धास्थळी हजर राहणे आवश्यक आहे. सर्व सामने २९ पॉइंटचे खेळविण्यात येतील. स्पर्धेबाबत अधिक माहितीसाठी आसिफ शेख (९९६०४९८०१३), शैलेंद्र समर्थ (९७६३१०७४१५) किंवा रमेश कुराडे (९९२१८१७८५४) यांच्याशी संपर्क साधावा.
स्पर्धेच्या यशस्वी आयोजनासाठी पंच समिती तसेच अनेक पदाधिकारी व सदस्य परिश्रम घेत आहेत. आयोजकांनी सर्व क्रीडाप्रेमींना या स्पर्धेत सहभागी होण्याचे आवाहन केले आहे.
Comments
Post a Comment