वरोरा येथे शिवजयंती उत्सवात शालेय विद्यार्थ्यांना स्कूल बॅग वाटप

वरोरा येथे शिवजयंती उत्सवात शालेय विद्यार्थ्यांना स्कूल बॅग वाटप

वरोरा, ता. [6/3/2026] : शिवसेना तालुका व युवा सेना शाखा, वरोरा यांच्या वतीने उत्साहात शिवजयंती साजरी करण्यात आली. या कार्यक्रमाच्या निमित्ताने स्थानिक मालवीय शाळेतील विद्यार्थ्यांना शालेय साहित्य आणि स्कूल बॅगचे वाटप करण्यात आले.

कार्यक्रमाच्या अध्यक्षस्थानी शिवसेना जिल्हाप्रमुख नितीन मत्ते होते. यावेळी युवा सेना जिल्हाप्रमुख आलेख रठे, शहर प्रमुख युवासेना चेतन सातपुते, सुभाष कुरेकर, सौरभ टाले, सागर नरशिट्टीवार, अनिकेत राजूरकर, अविनाश निबरट, वेदांत गजबंदे, कपाटे यांच्यासह मोठ्या संख्येने युवासैनिक व पदाधिकारी उपस्थित होते.

याप्रसंगी बोलताना नितीन मत्ते यांनी, छत्रपती शिवाजी महाराज यांच्या विचारांचा प्रसार करून समाजात चारित्र्य, पराक्रम आणि स्वाभिमानाची जोपासना करण्याचे आवाहन केले. शालेय विद्यार्थ्यांना मदत करणे म्हणजे भविष्यातील नागरिकांसाठी केलेली गुंतवणूक असल्याचे त्यांनी सांगितले.

कार्यक्रमाचे सूत्रसंचालन सायपूते यांनी केले तर आभार प्रदर्शन टाले यांनी केले. या उपक्रमामुळे शहरातील तरुणाईमध्ये शिवजयंतीचा उत्साह संचारला असून समाजोपयोगी कार्याची भावना अधिक दृढ झाली आहे.