आदिवासी नेते मेहेंद्र पेंडोर यांचा भाजप मध्ये पक्षप्रवेश, नगरपालिका निवडणुकीच्या पूर्वी प्रभाग ७ मधील राजकीय समीकरण बदलले.

आदिवासी नेते मेहेंद्र पेंडोर यांचा भाजप मध्ये पक्षप्रवेश

नगरपालिका निवडणुकीच्या पूर्वी  प्रभाग ७ मधील राजकीय समीकरण बदलले.

वरोरा 

चेतन लुतडे 

वरोरा: वरोरा शहरातील एक प्रभावी आदिवासी नेते मेहेंद्र पेंडोर यांनी रविवारी संध्याकाळी भारतीय जनता पक्षात (भाजप) औपचारिकरित्या प्रवेश केला. या महत्त्वाच्या राजकीय घटनेच्या निमित्ताने आगामी नगरपालिका निवडणुकीच्या पूर्वी प्रभाग ७ मधील राजकीय समीकरण भाजपच्या बाजूने झाल्याचे जाणवत आहे.

पक्षप्रवेश समारंभात आमदार करन देवतळे आणि रविंद्र शिंदे बँकेचे अध्यक्ष रविंद्र शिंदे यांचे विशेष सहभाग होते. या दोन्ही नेत्यांच्या हस्ते पेंडोर यांचे भाजपमध्ये मनःपूर्वक स्वागत करण्यात आले.

कार्यक्रमाला स्थानिक भाजप कार्यकर्ते, पदाधिकारी तसेच मोठ्या संख्येने नागरिक उपस्थित होते. या प्रसंगी नेत्यांनी एकत्रितपणे स्थानिक विकास, आदिवासी समुदायाचे कल्याण आणि रोजगार निर्मिती यासारख्या महत्त्वाच्या मुद्द्यांवर काम करण्याचे आश्वासन दिले.

मेहेंद्र पेंडोर यांनी त्यांच्या नवीन राजकीय कारकिर्दीचा उद्देश स्पष्ट करताना सांगितले, "ग्रामस्तरावर जनहिताचे प्रकल्प यशस्वीरीत्या राबविणे हे माझे प्राथमिक उद्दिष्ट आहे. मी पक्षाच्या विचारसरणीशी एकमत होऊन समाजाच्या सेवेसाठी कार्य करणार आहे."

उपस्थित समर्थकांनी पेंडोर यांना शुभेच्छा दिल्या आणि भविष्यातील सर्व राजकीय उपक्रमांसाठी पक्षाला पूर्ण बळ देण्याचे आवाहन केले. निवडणुकीच्या पूर्वी या राजकीय जोडणीमुळे भाजपची स्थानिक पातळीवरील तयारी आणि पकड अधिक बळकट झाल्याचे निरीक्षण करण्यात आले आहे.