राष्ट्रीय आदिवासी नाट्य फेस्टिवलचा भव्य शुभारंभबिरसा मुंडा यांच्या जीवनावरील नाटकाने झाली सुरुवात; १९ ते २१ सप्टेंबरपर्यंत निःशुल्क प्रवेश

राष्ट्रीय आदिवासी नाट्य फेस्टिवलचा भव्य शुभारंभ

बिरसा मुंडा यांच्या जीवनावरील नाटकाने झाली सुरुवात; 

१९ ते २१ सप्टेंबरपर्यंत निःशुल्क प्रवेश

चंद्रपूर, १९ सप्टेंबर (वृत्तसेवा). - जननायक भगवान बिरसा मुंडा यांच्या १५० व्या जयंतीचे व बॅरिस्टर राजाभाऊ खोब्रागडे यांच्या जन्मशताब्दी वर्षाचे औचित्य साधून आयोजित करण्यात आलेल्या 'राष्ट्रीय आदिवासी नाट्य फेस्टिवल चंद्रपूर २०२५' या भव्य नाट्यमहोत्सवाचा खासदार प्रतिभाताई धानोरकर यांच्या हस्ते गेल्याच दिवशी शुभारंभ झाला.

प्रियदर्शनी इंदिरा गांधी नाट्यगृह, चंद्रपूर येथे पार पडलेल्या शुभारंभ सोहळ्याच्या अध्यक्षस्थानी खासदार डॉ. नामदेव किर्सान होते. यावेळी आदिवासी समाजाच्या उत्कर्षासाठी झगडणाऱ्या बिरसा मुंडा यांच्या जीवनावर आधारित 'धरती आबा बिरसा मुंडा' या नाटकाच्या सादरीकरणाने महोत्सवाला सुरुवात झाली.

द मराठा चॅरिटेबल ट्रस्ट, बाळूभाऊ धानोरकर मित्र परिवार चॅरिटेबल सोसायटी व लोकजागृती नाट्य संस्था चंद्रपूर यांच्या संयुक्त विद्यमाने आयोजित करण्यात आलेला हा नाट्यमहोत्सव २१ सप्टेंबरपर्यंत चाललेला असेल. दररोज संध्याकाळी ६.३० वाजता अत्युत्तम नाट्यकलेचे दर्शन घेण्यासाठी नाट्यप्रेमी उपस्थित राहतील. आयोजकांनी सर्वांना निःशुल्क प्रवेशाची संधी दिली आहे. त्यामुळे जास्तीत जास्त लोक या कलासेवेचा आस्वाद घ्यावेत, अशी नम्र विनंतीही करण्यात आली आहे.