चिंतामणी क्रीडा मंडळाच्या वतीने भव्य महिला कबड्डी स्पर्धा संपन्न; मराठा लॉन्सर मंडळ नागपूर ठरले विजेते

चिंतामणी क्रीडा मंडळाच्या वतीने भव्य महिला कबड्डी स्पर्धा संपन्न; मराठा लॉन्सर मंडळ नागपूर ठरले विजेते वरोरा (जि. चंद्रपूर) : चिंतामणी क्रीडा मंडळ माढेळी, वरोरा यांच्या वतीने २८ व २९ मार्च रोजी भव्य महिला कबड्डी स्पर्धेचे आयोजन करण्यात आले होते. या परिसरात प्रथमच आयोजित करण्यात आलेल्या या स्पर्धेत तालुका, जिल्हा, राज्य तसेच इतर राज्यांमधील नामांकित क्लब व मंडळातील खेळाडूंनी मोठ्या प्रमाणात सहभाग घेत कबड्डी सामन्याची शोभा वाढविली. स्पर्धेच्या अंतिम फेरीत मराठा लॉन्सर मंडळ, नागपूर यांनी प्रथम क्रमांक पटकावत ट्रॉफी व ३१ हजार रुपयांचे बक्षीस पटकावले. द्वितीय क्रमांक पी.जी. कॉलेज क्लब, छिदवाडा (मध्य प्रदेश) यांनी मिळवून २१ हजार रुपये तथा ट्रॉफी प्राप्त केली. तृतीय क्रमांक रीवा क्लब (मध्य प्रदेश) यांना ११ हजार रुपये व ट्रॉफी देण्यात आली. चौथ्या क्रमांकाची ट्रॉफी व ५ हजार रुपयांचे बक्षीस परभणी कबड्डी मंडळ यांना प्रदान करण्यात आले. तसेच वैयक्तिक स्पर्धांमध्ये अनेक खेळाडूंना प्रोत्साहन बक्षिसे देण्यात आली. या स्पर्धेचे उद्घाटन दिनांक २८ रोजी मान्यवरांच्या हस्ते करण्यात आले. उद्घाटन ...

खाण बाधित क्षेत्रातील महिलांना बांबू हस्तकला प्रशिक्षण**कौशल्य वाढविण्याच्या दृष्टीने बीआरटीसी चा उपक्रम*

*खाण बाधित क्षेत्रातील महिलांना बांबू हस्तकला प्रशिक्षण*

*कौशल्य वाढविण्याच्या दृष्टीने बीआरटीसी चा उपक्रम*

चंद्रपूर : खाणबाधित क्षेत्रातील कारागरांची कार्य कुशलता वाढविण्यासाठी बांबू संशोधन व प्रशिक्षण केंद्रातर्फे (बीआरटीसी) निंबाळा येथे बांबू हस्तकला प्रशिक्षण नुकतेच घेण्यात आले. सदर प्रशिक्षणाचा कालावधी हा 15 दिवसांचा होता. खनिज विकास निधीच्या माध्यमातून महिलांना घरी राहून स्वतःचे कौशल्य सिद्ध करण्याकरिता तसेच आर्थिक मिळकतीत सक्षम होण्याकरिता निंबाळा येथील महिलांना बांबू हस्तकलेचे प्रशिक्षण देण्यात आले.

 या प्रशिक्षणदरम्यान बांबू पासून बनणाऱ्या विविध प्रकारच्या जाळी विणकाम त्यापासून बनणारे उत्पादन शिकवण्यात आले. प्रशिक्षण झाल्यावर टूल किट आणि प्रमाणपत्र देऊन त्यांचा सन्मान करण्यात आला. या प्रशिक्षणाचे आयोजन बांबू संशोधन व प्रशिक्षण संस्थेचे संचालक अशोक खडसे, वनपरिक्षेत्र अधिकारी  ए. डी. मल्लेवार,  वनपाल सौदागर लाटकर यांच्या मार्गदर्शनाखाली पर्यवेक्षक प्रशिक्षण समन्वयक योगिता साठवणे तसेच हस्तकला निर्देशक  किशोर गायकवाड, तांत्रिक सल्लागार अंतिक मलिक,  कांतीलाल गजभिये, डिप्लोमा इन बांबू टेक्नॉलॉजीचे प्रमुख या सर्व मान्यवरांच्या देखरेखीखाली tasech बांबू सखी  मनीषा शर्मा व अनिता भोयर या प्रशिक्षकांच्या उपस्थितीत पार पडले.

Comments