मतदान बूथ केंद्र वाढवण्याची मागणी: दिनेश चोखारे लांबच लांब रांगामुळे होऊ शकतो मतदानावर परिणाम

मतदान बूथ केंद्र वाढवण्याची मागणी: दिनेश चोखारे 

लांबच लांब रांगामुळे होऊ शकतो मतदानावर परिणाम 

 

चंद्रपूर :- 

मागील लोकसभेच्या निवडणुकीत मतदानासाठी लांबच लांब रांगा लागल्याने मतदारांना अनेक अडचणींचा सामना करावा लागला. विधानसभा 2024च्या निवडणुकांमध्ये या समस्यांना सामोरे जाण्यासाठीजिल्हा कॉग्रेसचे जिल्हा उपाध्यक्ष तथा चंद्रपूर कृषी उत्पन्न बाजार समितीचे मजी सभापती दिनेश दादापाटील चोखारे यांनी मतदानाचे बूथ केंद्र वाढवण्याची मागणी केली आहे.

चोखारे यांनी आपल्या निवेदनात नमूद केले की, मागील निवडणुकीत अनेक बूथ केंद्रावर वर रात्री 8 वाजेपर्यंत मतदान सुरू ठेवावे लागले. त्यामुळे मतदारांना मतदान प्रक्रिया पूर्ण करण्यात खूप अडचणी आल्या. या कारणांमुळे मतदानाच्या सरासरीवर परिणाम होतो, ज्यामुळे लोकांचा सहभाग कमी होतो. 

रांगेत वाट पाहण्यात घालवलेला वेळ कमी करण्यासाठी बूथ केंद्र वाढवणे आवश्यक असल्याचे त्यांनी स्पष्ट केले. त्यांच्या मते, यामुळे मतदारांना सोयीचा अनुभव मिळेल आणि लोकतंत्रातील त्यांच्या सहभागाला चालना मिळेल. 

मतदान प्रक्रिया अधिक सुकर करण्यासाठी मतदानाचे बूथ केंद्र वाढवण्याची आवश्यकता आहे. हे फक्त मतदारांच्या सोईसाठी नाही, तर लोकशाही प्रक्रियेत सर्वांचा सहभाग सुनिश्चित करण्यासाठी देखील महत्त्वाचे आहे.