प्रोत्साहनपर लाभासाठी 7 सप्टेंबरपर्यंत आधार प्रमाणीकरण करणे आवश्यक**महात्मा जोतिराव फुले शेतकरी कर्जमुक्ती योजना*

वनोजा जवळ भरधाव ट्रकने मोटारसायकलला धडक दिली; एक जागीच ठार, एक जखमी

Posted by chetan on April 18, 2026 चेतन लूतडे

वनोजा जवळ भरधाव ट्रकने मोटारसायकलला धडक दिली; एक जागीच ठार, एक जखमी वरोरा, दि. 18 एप्रिल – येथील वनोजा गावाजवळ रात्री साडेनऊच्या सुमारास भरधाव व निष्काळजीपणे चालविलेल्या अज्ञात ट्रकने मोटारसायकलला समोरासमोर धडक दिली. या अपघातात मोटारसायकलस्वार चेतन किसनराव चावरे (वय ३६, रा. खौरी, ता. राळेगाव, जि. यवतमाळ) यांचा जागीच मृत्यू झाला, तर त्यांच्यासोबत असलेले संदेश बुरडकर (वय ३५) जखमी झाले आहेत. मिळालेल्या माहितीनुसार, चेतन चावरे व संदेश बुरडकर हे मोटारसायकल (क्र. MH 36 D 5653) ने वरोराहून खौरीकडे जात होते. माढळीकडून वरोराकडे येणाऱ्या ट्रक चालकाने वेग व निष्काळजीपणा करून त्यांच्या बाईकला समोरून जोरदार धडक दिली. धडक एवढी भीषण होती की, चेतन चावरे यांचे डोके फुटून मेंदू बाहेर आला व त्यांचा मृत्यू झाला. जखमी संदेश बुरडकर यांच्यावर उपजिल्हा रुग्णालयात उपचार सुरू आहेत. मृताचे काका विजय रामाजी क्षीरसागर (रा. दहेगाव) यांनी वरोरा पोलिसांत तोंडी रिपोर्ट दिला आहे. अज्ञात ट्रक चालकाविरुद्ध गुन्हा दाखल करण्यात येणार असून, पोलिसांनी घटनास्थळाची पाहणी केली आहे. अधिक तपास सुरू आहे.

*प्रोत्साहनपर लाभासाठी 7 सप्टेंबरपर्यंत आधार प्रमाणीकरण करणे आवश्यक*

*महात्मा जोतिराव फुले शेतकरी कर्जमुक्ती योजना*

अकूंश अवथे चंद्रपूर

चंद्रपूर, दि. 16 : महात्मा जोतिराव फुले शेतकरी कर्जमुक्ती योजना - 2019 अंतर्गत प्रोत्साहनपर लाभ योजना अंमलात आलेली असून सहकार आयुक्त व निबंधक सहकारी संस्था यांच्या 13 ऑगस्ट 2024 च्या पत्रानुसार, प्रोत्साहनपर लाभ योजनेअंतर्गत प्रोत्साहनपर लाभासाठी पात्र ठरलेल्या (विशिष्ट क्रमांक देण्यात आलेल्या) परंतु आधार प्रमाणीकरण न झालेल्या 33356 शेतकऱ्यांसाठी महा-आयटीने 12 ऑगस्ट ते 7 सप्टेंबर 2024 पर्यंत आधार प्रमाणीकरणाची सुविधा उपलब्ध करून दिली आहे.

सदर कालावधीत संबंधित शेतकऱ्यांनी आधार प्रमाणीकरण करणे आवश्यक आहे. त्याबाबतचा एस.एम.एस. संबंधित शेतकऱ्यांना महा-आयटी मार्फत देण्यात आला आहे. तथापी याबाबत संबंधित बँकांनी देखील योजनेअंतर्गत पात्र ठरलेल्या शेतकऱ्यांना व्यक्तीश: कळविणे आवश्यक आहे. त्यादृष्टिने त्वरीत कार्यवाही करावी. चंद्रपूर जिल्ह्यातील सदर योजनेअंतर्गत पात्र असलेल्या खातेदारांनी आधार प्रमाणीकरण प्रक्रिया पूर्ण करून घ्यावी, असे जिल्हा उपनिबंधक, सहकारी संस्था, या कार्यालयाद्वारे कळविण्यात आले आहे.

००००००