*पतंजली योग समितीतर्फे योग साधना व रक्तदान शिबिराचे आयोजन*

मुख्यमंत्री येणार म्हणून डांबरीकरणाला सुरुवात; भद्रावतीतील रस्त्याच्या कामावर गावकऱ्यांचा निशाणा

Posted by chetan on March 13, 2026 चेतन लूतडे

मुख्यमंत्री येणार म्हणून डांबरीकरणाला सुरुवात; भद्रावतीतील रस्त्याच्या कामावर गावकऱ्यांचा निशाणा Instagram link ,view for reel चंद्रपूर / भद्रावती, ता. १४ मार्च: मुख्यमंत्री एका कार्यक्रमासाठी येणार असल्याचे वृत्त समोर येताच चंद्रपूर जिल्ह्यातील भद्रावती तालुक्यातील ढोरवाचा-पिपरी डांबरी रस्त्याचे काम प्रशासनाने जोरात सुरू केले आहे. मात्र, या घडामोडीमुळे स्थानिक गावकऱ्यांमध्ये प्रचंड संतापाची लाट पसरली आहे. पंधरा वर्षांपासून दुर्लक्षित असलेल्या या रस्त्याचे काम अचानक सुरू केल्याबद्दल ग्रामस्थांनी प्रशासनावर गंभीर आरोप केले आहेत. पंधरा वर्षांपासून दुर्लक्षित. स्थानिक ग्रामस्थांच्या म्हणण्यानुसार, ढोरवाचा ते पिपरी दरम्यानचा हा रस्ता गेली पंधरा वर्षे प्रचंड जीर्णावस्थेत आहे. या रस्त्याच्या दुरुस्तीसाठी वेळोवेळी ग्रामपंचायतीमार्फत तसेच ग्रामस्थांनी स्वतःहून संबंधित विभागाकडे लेखी निवेदने दिली होती. मात्र, प्रशासनाने त्याकडे दुर्लक्ष केले. त्यामुळे पावसाळ्यात तर हा रस्ता चिखलाचा तलाव बनत असे आणि नागरिकांची प्रचंड कुचंबणा व्हायची. राज्याचे मुख्यमंत्री १४ रोजी (शनि...

*पतंजली योग समितीतर्फे योग साधना व रक्तदान शिबिराचे आयोजन*

अतुल कोल्हे भद्रावती :-

पतंजली योग समिती भद्रावती तर्फे आंतरराष्ट्रीय योग दिनाचे औचित्य साधून शहरातील मुर्लीधर पाटील गुंडावार लान येथे दिनांक 21 रोज शुक्रवारला सकाळी आठ वाजता योग साधना तथा रक्तदान शिबिराचे आयोजन करण्यात आले. यावेळी पतंजली योग समिती भद्रावतीचे अध्यक्ष रमेश मालपाणी, नगर परिषदेचे माजी उपाध्यक्ष प्रफुल चटकी,सामाजीक कार्यकर्ते धनराज अस्वले, आशाताई देवाळकर, प्रकाश आस्वले आदि मान्यवर उपस्थित होते. यावेळी योग प्रशिक्षक अनंता मत्ते व सुनील वैद्य यांनी उपस्थित नागरिकांना योगाचे धडे दिले व योगाबद्दल सविस्तर माहिती दिली. त्यानंतर एका रक्तदान शिबिराचे आयोजन करण्यात आले. या शिबिरात 38 रक्तदात्यांनी रक्तदान केले. रक्त संकलनासाठी ग्रामीण रुग्णालय भद्रावती येथील वैद्यकीय पथकाने सहकार्य केले. सदर कार्यक्रमाला शहरातील विविध संघटनांचे प्रतिनिधी व नागरिक सहभागी झाले होते. कार्यक्रमाला यशस्वी करण्यासाठी पतंजली योग समितीच्या पदाधिकारी व कार्यकर्त्यांनी सहकार्य केले.