फुकट्या प्रवाशांकडून १३ दिवसांत एक कोटी ३९ लाखांचा दंड वसूल , मध्य रेल्वेच्या नागपूर अंतर्गत बल्लारशाह रेल्वे स्थानकासह ९२ रेल्वे स्थानकावर कारवाई

फुकट्या प्रवाशांकडून १३ दिवसांत एक कोटी ३९ लाखांचा दंड वसूल , मध्य रेल्वेच्या नागपूर अंतर्गत बल्लारशाह रेल्वे स्थानकासह ९२ रेल्वे स्थानकावर कारवाई

चंद्रपूर 

अकूंश अवथे 20/6/24

फुकट्या प्रवाशांकडून रेल्वेद्वारे 13 दिवसांत एक कोटी ३९ लाखांचा दंड वसूल करण्यात आलाय. मध्य रेल्वेच्या नागपूर अंतर्गत बल्लारशाह रेल्वे स्थानकासह ९२ रेल्वे स्थानकावर ही कारवाई करण्यात आली. नियम कितीही कडक केले तरी रेल्वेतून फुकट प्रवास करणाऱ्यांची संख्या दिवसेंदिवस वाढतच असल्याचे वास्तव दिसून येत आहे. रेल्वेच्या विशेष मोहिमेत हा दंड वसूल करण्यात आला. यामध्ये बल्लारशाह मार्गाचाही क्रमांक अव्वल ठरला आहे. तिकीट तपासणी मोहिमेत मध्य रेल्वे नागपूरच्या सर्व तिकीट तपासणी निरीक्षकांनी सहभाग घेतला. या कालावधीत प्रत्येक रेल्वेची कसून तपासणी करण्यात आली. यामुळे रेल्वेला आपल्या महसुली उत्पन्नात महत्त्वपूर्ण टप्पा गाठता आला.