खाजगी बँक फायनान्स कंपनीच्या वारंवार तगाद्यामूळे महिलेची आत्महत्या

खाजगी बँक फायनान्स कंपनीच्या वारंवार तगाद्यामूळे महिलेची आत्महत्या

वरोरा.

वरोरा  तालुक्यातील नागपूर रोडवर रामपूर जवळ असलेल्या फत्तापूर या गावातील महिला मंगला उर्फ उर्मिला गुलाब बावणे वय 42 वर्ष तिने काल 5 आक्टोबर रोजी सायंकाळच्या सुमारास विष प्राशन करून आत्महत्या केल्याचे उघडकीस आले.

मंगला ही पती गुलाब बावणे यांच्यासोबत रोज मजुरीचे काम करीत होती. या महिलेला दोन मुले असून शाळेत शिक्षण घेत आहे. मृतक उर्मिलाने वंदना फायनान्स वरोरा, ग्रामीण कुट्टा, हिंगणघाट वरोरा प्युअर फायनान्स समुद्रपूर, वर्धा येथील डेली फायनान्स या अटीवर कर्ज घेतले होते. हे कर्ज दोन ते तीन महिन्यापासून थकीत झाल्याने या कंपनीचे कर्मचारी अधिकारी घरी येऊन घाण, अर्वाच्च शब्दात बोलून जात होते,

 अशी माहिती मृतक उर्मिलाच्या मोठ्या मुलाने प्रतिनिधीशी बोलताना दिली. या संपूर्ण प्रकाराला कंटाळून काल 5 सप्टेंबर रोजी विष प्राशन करून आत्महत्या केल्याने हा सर्व प्रकार उघडकीस आला.

 सदर फायनान्स कंपनी यांना रिझर्व बँकेकडून कशा पद्धतीच्या अटी शर्तीवर मान्यता देण्यात आली आहे, याची सखोल चौकशी , करणे आता गरजेचे झाले असून संबंधित विभाग तसेच पोलिस प्रशासन यासंदर्भात काय महत्त्वाची भूमिका बजावतात, याकडे जनतेचे लक्ष लागले आहे.