पोलिसांची अवैध तंबाखू विक्री दुकानदारावर कारवाई.*प्रभारी पोलीस अधिकारी रांजणकर यांची धडक कारवाई.*अंदाजे सहा लाख रुपयाचा सुगंधी तंबाखू जप्त.

पोलिसांची अवैध तंबाखू विक्री दुकानदारावर  कारवाई.

प्रभारी पोलीस अधिकारी रांजणकर यांची धडक कारवाई.

अंदाजे सहा लाख रुपयाचा सुगंधी तंबाखू जप्त.

वरोरा

चेतन लूतडे 

वरोरा तालुक्यातील खांबाडा येथील  भोयर यांच्या दुकानातून लाखो रुपयाचा सुगंधी तंबाखू जप्त केला असून वरोरा पोलीस ठाणेदार या संबंधात कारवाई करत आहे.

मागील बऱ्याच वर्षापासून खांबाडा परिसरात हिंगणघाट येथून  सुगंधी तंबाखू आणल्या जात असल्याची खबर पोलिसांजवळ होती. या गुप्त माहितीच्या आधारे पोलिसांनी सापळा रचून खांबाडा परिसरातील घरात साठवून ठेवलेला सुगंधी तंबाखू जप्त केला. तंबाखू तीन ठिकाणावरून जप्त करण्यात आला आहे. या प्रकरणात दुकानदार विलास भोयर यांना वरोरा पोलिसांनी ताब्यात घेतले असून यांच्यासह  दोन जण असून आहेत. पोलीस यासंबंधीत बरीच माहिती गोळा करीत असल्याचे दिसले. 

मागील कित्येक वर्षापासून हा व्यवसाय वरोरा तालुक्यात   मोठ्या प्रमाणात सुरू आहे. प्रत्येक कॉलेज, शाळा , हॉस्पिटल, मंदिरे यांच्याजवळ बिनधास्तपणे गुटखा, खरा, तंबाखू विक्री करीत असताना दिसत आहे. मात्र आतापर्यंत कारवाई दिसून आली नाही.

 मात्र नवीन प्रभारी पोलीस अधिकारी रांजणकर नियुक्ती झाल्यावर सहा लाखाचा सुगंधित तंबाखू प्रथमच पोलिसांना गवसला त्यामुळे पोलीस अधिकाऱ्यांचे अभिनंदन खांबाडा गावातील जनता करत आहे.  याच पद्धतीने येथील सट्टा बाजार  बंद करावा अशी व्यथा सुद्धा व्यक्त करीत आहे.