चंद्रपूरचे नवे पोलीस अधीक्षक आयुष नोपानी यांची बँकेचे अध्यक्ष रवींद्र शिंदे यांची सदिच्छा भेट; माजी सहकार्याच्या आठवणींना उजाळा

चंद्रपूरचे नवे पोलीस अधीक्षक आयुष नोपानी यांची बँकेचे अध्यक्ष रवींद्र शिंदे यांची सदिच्छा भेट; माजी सहकार्याच्या आठवणींना उजाळा बातमी: चेतन लूतडे  चंद्रपूर, दि. ४ – चंद्रपूर जिल्हा मध्यवर्ती सहकारी बँकेचे लोकप्रिय अध्यक्ष माननीय रवींद्रजी शिंदे यांनी आज जिल्ह्याचे नवनियुक्त पोलीस अधीक्षक मा. आयुष नोपानी साहेब यांची त्यांच्या चंद्रपूर येथील कार्यालयात सदिच्छा भेट घेऊन पुष्पगुच्छ देऊन स्वागत केले. या भेटीदरम्यान शिंदे यांनी आठवण करून दिली की, नोपानी साहेब पूर्वी वरोरा येथे उपविभागीय पोलीस अधिकारी (SDPO) म्हणून कार्यरत असताना त्यांच्याशी अत्यंत स्नेहाचे संबंध होते. “तोच जिव्हाळा आणि आपुलकी साहेबांनी आजही कायम जपली आहे,” अशी भावना त्यांनी व्यक्त केली. वरोरा येथील त्यांचा कार्यकाळ अत्यंत कौतुकास्पद राहिला असून, त्या काळातील धाडसी निर्णय त्यांच्या ‘दबंग’ कार्यशैलीची साक्ष देतात, असेही शिंदे म्हणाले. चंद्रपूर जिल्ह्याची सूत्रे आता त्यांच्या सक्षम हाती आल्याने जिल्हा पोलीस दलाच्या कार्यक्षमतेत मोलाची भर पडेल, तसेच पोलीस प्रशासन व जनता यांच्यातील समन्वय अधिक दृढ होईल. जिल्ह्याती...

वरोरा-नागपूर महामार्गावर भीषण अपघात; दुचाकीस्वारासह मित्राचा जागीच मृत्यू

वरोरा-नागपूर महामार्गावर भीषण अपघात; दुचाकीस्वारासह मित्राचा जागीच मृत्यू

बातमी: चेतन लूतडे/4/5/26

वरोरा : चंद्रपूर ते नागपूर राष्ट्रीय महामार्गावरील टाकळी ते नंदोरी दरम्यान रविवारी (दि. 03 मे) रात्री भीषण अपघात घडून दोन तरुणांचा जागीच मृत्यू झाल्याची दुर्दैवी घटना घडली आहे. या घटनेमुळे परिसरात हळहळ व्यक्त केली जात आहे.
मिळालेल्या माहितीनुसार, खानगाव (ता. हिंगणघाट, जि. वर्धा) येथील चंद्रशेखर दत्तुजी वाल्दे (वय 27) व त्यांचा मित्र मयुर प्रभाकर हाडके (वय 30) हे दोघे दुचाकीने (MH-32-BA-7386, होंडा शाईन) चंद्रपूरहून नागपूरकडे जात होते. टाकळी ते नंदोरी दरम्यान समोरून येणाऱ्या महिंद्रा बोलेरो पिकअप (MH-34-BQ-0156) वाहनाने दुचाकीला जोरदार धडक दिली.
या अपघातात दुचाकीस्वार चंद्रशेखर वाल्दे व त्यांचा मित्र मयुर हाडके यांना गंभीर दुखापत होऊन त्यांचा जागीच मृत्यू झाला. अपघातानंतर दोघांना तात्काळ उपजिल्हा रुग्णालय, वरोरा येथे हलविण्यात आले, मात्र डॉक्टरांनी त्यांना मृत घोषित केले.
या प्रकरणी बोलेरो पिकअप चालकाने निष्काळजीपणे वाहन चालवल्याचा आरोप करण्यात आला असून, त्याच्याविरुद्ध वरोरा पोलीस स्टेशनमध्ये गुन्हा दाखल करण्याची प्रक्रिया सुरू आहे.
या घटनेमुळे खानगाव परिसरात शोककळा पसरली असून, दोन्ही मृतकांच्या कुटुंबीयांवर दु:खाचा डोंगर कोसळला आहे.

Comments