वरोरा (जि. चंद्रपूर)2/4/26 : येथील पिंपळगाव पाटी येथे भरधाव ट्रॅव्हल्सने मोटारसायकलला धडक दिल्याने एका सेक्युरिटी गार्डचा जागीच मृत्यू झाल्याची दुर्दैवी घटना दि. ३१ मार्च २०२६ रोजी रात्री साडेनऊच्या सुमारास घडली. याप्रकरणी वरोरा पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, मयत नितेश नामदेव रहाटे (वय ३५, धंदा सेक्युरिटी गार्ड, रा. केम, ता. वरोरा) हे आपल्या मोटारसायकल (क्र. एमएच ३१ डीवाय ६११२) ने वरोराकडे येत होते. त्याच वेळी मागून येणाऱ्या ट्रॅव्हल्स (क्र. एमएच ४९ एटी ५६१४) चालकाने भरधाव वेगाने व निष्काळजीपणे वाहन चालवून त्यांना जबर धडक दिली. या अपघातात नितेश रहाटे यांचा जागीच मृत्यू झाला.
घटनेची माहिती मिळताच त्यांचे चुलत भाऊ अजय रामकृष्णजी रहाटे (वय ३२) यांनी वरोरा पोलीस ठाण्यात तोंडी रिपोर्ट दिला. यावरून पोलीस उपनिरीक्षक अजिंक्य अनिल पवार यांनी संबंधित कलमान्वये गुन्हा नोंदवून तपास सुरू केला आहे.
पोलिसांनी घटनास्थळाचा पंचनामा करून वाहनांची तपासणी केली असून ट्रॅव्हल्स चालकाचा शोध सुरू आहे. अधिक तपास सुरू आहे.
Comments
Post a Comment