घरफोडीचा प्रकार : वरोरा येथे ४१,५०० रुपयांचा मुद्देमाल चोरी

घरफोडीचा प्रकार : वरोरा येथे ४१,५०० रुपयांचा मुद्देमाल चोरी

वरोरा (प्रतिनिधी): चेतन लूतडे 22/4/26

तालुक्यातील नागरी परिसरात घरफोडीची घटना उघडकीस आली असून अज्ञात चोरट्याने घरातील रोख रक्कम व सोन्याचे दागिने लंपास केले आहेत.

देवराव संभाजी घुबडे (वय ७२, व्यवसाय शेती, रा. नगरी, वरोरा) यांनी पोलीस स्टेशन वरोरा येथे दिलेल्या तोंडी फिर्यादीनुसार, दिनांक २० एप्रिल २०२६ रोजी सकाळी साडेसहा वाजता ते पत्नी सौ. सुरेखा घुबडे यांच्यासह घराला कुलूप लावून हिंगणघाट येथे एस.टी. महामंडळाचे कार्ड बनविण्यासाठी गेले होते.

दुपारी सुमारे २.३० वाजता घरी परत आल्यावर घराच्या मुख्य दरवाज्याचे कुलूप तुटलेले व दरवाजा उघडा आढळला. घरात प्रवेश करून पाहणी केली असता लोखंडी कपाट उघडलेले दिसले. कपाटात ठेवलेली ५,५०० रुपयांची रोख रक्कम तसेच अंदाजे १२ ग्रॅम वजनाची सोन्याची जुनी पोत (अंदाजे किंमत ३६,००० रुपये) असा एकूण ४१,५०० रुपयांचा मुद्देमाल अज्ञात चोरट्याने चोरून नेल्याचे निदर्शनास आले.

या प्रकरणी वरोरा पोलीस ठाण्यात तक्रार नोंदविण्यात आली असून पुढील वरोरा पोलीस तपास करीत आहेत.