‘अमृत २.०’ अंतर्गत लेंडाळा तलाव पुनरुज्जीवन कामाचे भूमिपूजन; वरोरा-भद्रावती आमदार करण देवतळे यांच्या हस्ते सोहळा संपन्न

‘अमृत २.०’ अंतर्गत लेंडाळा तलाव पुनरुज्जीवन कामाचे भूमिपूजन; वरोरा-भद्रावती आमदार करण देवतळे यांच्या हस्ते सोहळा संपन्न

भद्रावती : प्रतिनिधी

नगरपरिषद भद्रावती क्षेत्रातील केंद्र पुरस्कृत ‘अमृत २.०’ अभियानांतर्गत लेंडाळा तलाव सरोवर पुनरुज्जीवन कामाचे भूमिपूजन वरोरा-भद्रावती विधानसभा मतदारसंघाचे आमदार करण देवतळे यांच्या हस्ते उत्साहपूर्ण वातावरणात संपन्न झाले. या महत्त्वपूर्ण उपक्रमामुळे तलावाचे सौंदर्य वाढण्यासोबतच पर्यावरण संवर्धनाला चालना मिळणार असून नागरिकांसाठी एक आकर्षक व उपयुक्त ठिकाण विकसित होणार आहे.

शहराच्या सर्वांगीण विकासाच्या दृष्टीने हा प्रकल्प महत्त्वपूर्ण पाऊल ठरणार असून भविष्यात नागरिकांना स्वच्छ, सुंदर आणि पर्यावरणपूरक परिसर उपलब्ध होण्यास मदत होणार आहे. तलाव परिसराचे सुशोभीकरण होऊन पर्यटनाला चालना मिळेल तसेच नागरिकांसाठी विश्रांतीचे उत्तम केंद्र निर्माण होईल, अशी अपेक्षा आ. देवतळे. व्यक्त केली जात आहे.

या प्रसंगी वरोरा भद्रावती विधानसभेचे आमदार करण देवतळे यांचासह  नगरपरिषद मुख्याधिकारी विशाखाताई शेळकी, नगराध्यक्ष प्रफुलजी चटकी, उपनगराध्यक्ष सुधीरजी सातपुते, अनिलजी धनोरकर, पाणीपुरवठा सभापती वृषालीताई पांढरे, नगरसेवक, नगरसेविका तसेच भारतीय जनता पार्टीचे पदाधिकारी, कार्यकर्ते, नागरिक आणि संबंधित अधिकारी मोठ्या संख्येने उपस्थित होते.

.....................