वरोऱ्यात बांधकाम साईटवरून 50 हजारांचा साहित्य चोरी; अज्ञात चोरट्याविरुद्ध गुन्हा

वरोऱ्यात बांधकाम साईटवरून 50 हजारांचा साहित्य चोरी; अज्ञात चोरट्याविरुद्ध गुन्हा

बातमी:28/4/26

वरोरा : शहरातील कॉलरी वॉर्ड परिसरात बांधकाम सुरू असलेल्या साईटवरून सेंट्रींगच्या लोखंडी प्लेटांची चोरी झाल्याची घटना उघडकीस आली आहे. या प्रकरणी वरोरा पोलीस ठाण्यात तक्रार दाखल करण्यात आली आहे.

नरेंद्र नागोजी चौखे (वय 35, व्यवसाय ठेकेदार, रा. कॉलरी वॉर्ड, वरोरा) यांनी दिलेल्या तक्रारीनुसार, ते वसंतराव खामनकर देशपांडे पेट्रोल पंपाच्या मागील बाजूस सुरू असलेल्या घराच्या बांधकामाचे काम पाहत आहेत. त्यांनी साईटवर सेंट्रींगच्या लोखंडी प्लेटा ठेवलेल्या होत्या.

दि. 25 एप्रिल रोजी रात्री सुमारे 10 वाजता साईटवर 200 प्लेटा असल्याची खात्री करून ते घरी गेले. मात्र, दुसऱ्या दिवशी (दि. 26 एप्रिल) सकाळी 9.30 वाजता साईटवर गेल्यावर 50 प्लेटा गायब असल्याचे त्यांच्या निदर्शनास आले. आजूबाजूला शोध घेतला असता त्या मिळून आल्या नाहीत.

अज्ञात चोरट्याने रात्रीच्या वेळेत सुमारे 50 हजार रुपये किंमतीच्या 50 लोखंडी सेंट्रींग प्लेटा चोरी करून नेल्याची तक्रार करण्यात आली आहे.

या प्रकरणी वरोरा पोलीस ठाण्यात अज्ञात आरोपीविरुद्ध गुन्हा नोंद करण्यात आला असून पुढील तपास पोलीस करीत आहेत

.........