पावना-मोरवा मार्गावर अवैध दारू विक्रीवर पोलिसांची धाड; 22 बॉटल जप्त, आरोपीविरुद्ध गुन्हा दाखल.

पावना-मोरवा मार्गावर अवैध दारू विक्रीवर पोलिसांची धाड; 22 बॉटल जप्त, आरोपीविरुद्ध गुन्हा दाखल.

वरोरा : पावना ते मोरवा मार्गावर अवैध देशी दारू विक्री करणाऱ्या इसमावर वरोरा पोलिसांनी कारवाई करत गुन्हा नोंद केला आहे. ही कारवाई 26 एप्रिल रोजी सायंकाळी करण्यात आली.

पोलीस हवालदार नरेशकुमार नन्नावरे (ब. नं. 2414) व पोलीस अंमलदार शरद मस्के (ब. नं. 2069) हे नंदोरी बिट परिसरात प्रोव्हीजन रेड पेट्रोलिंग करत असताना त्यांना मुखबिरामार्फत खात्रीशीर माहिती मिळाली की, पावना येथील दिलीप गणपत जिलटे (वय 42) हा पावना ते मोरवा जाणाऱ्या रस्त्यावर एका झाडाखाली अवैधरित्या दारू बाळगून विक्री करत आहे.

माहितीच्या आधारे पोलिसांनी पंचांसह घटनास्थळी जाऊन सापळा रचला. तेथे संशयित इसम हातात कापडी पिशवी घेऊन उभा असल्याचे दिसून आले. त्याची पंचासमक्ष झडती घेतली असता पिशवीत 22 नग देशी दारूच्या सिलबंद प्लास्टिक शिश्या (प्रत्येकी 90 मि.ली.) आढळून आल्या. या दारूची किंमत सुमारे 880 रुपये असल्याचे निष्पन्न झाले.

आरोपीकडे दारू बाळगण्याचा कोणताही परवाना नसल्याचे समोर आल्याने पोलिसांनी दारू जप्त केली. नमुना शिशी सील करून तपासासाठी ठेवण्यात आली. पंचनामा सायंकाळी 5.00 ते 6.15 वाजेदरम्यान करण्यात आला.

या प्रकरणी दिलीप गणपत जिलटे याच्याविरुद्ध महाराष्ट्र दारूबंदी कायद्यांतर्गत कलम 65 (ई) नुसार गुन्हा नोंद करण्यात आला असून पुढील तपास वरोरा पोलीस करीत आहेत.

 ..............

.           Happy Birthday Parikshit ekare