वरोरा : रोटरी क्लब वरोरा यांनी सामाजिक उपक्रमाच्या माध्यमातून पानपोई (पिण्याचे पाणी) तसेच गरजू व गरीब नागरिकांसाठी सूती दुपट्टे व चप्पल वितरण केंद्राचे उद्घाटन बुधवार, दि. २५ मार्च २०२६ रोजी मोठ्या उत्साहात पार पडले.
नगर परिषद वरोरा यांच्या नगराध्यक्षा सौ. अर्चना आशिष ठाकरे यांच्या हस्ते या केंद्राचे उद्घाटन करण्यात आले. याप्रसंगी रोटरी क्लब वरोराचे अध्यक्ष योगेश डोंगरवार, एजी अमित लाहोटी, प्रोजेक्ट हेड चेतन शर्मा, तसेच अमित नाहर, अभिजित मणियार, विशाल जाजू, अभिजित बोथले, अदनान सद्दीकोट, राम लोया, पियुष गुंडावार, विक्की आगलावे आदी मान्यवर उपस्थित होते.
उन्हाळ्याच्या पार्श्वभूमीवर नागरिकांना शुद्ध पिण्याचे पाणी उपलब्ध व्हावे, तसेच गरजूंना सूती दुपट्टे व चप्पलांचे वाटप व्हावे, या उद्देशाने हा उपक्रम राबविण्यात आला. उपस्थित नागरिकांनी रोटरी क्लबच्या या सामाजिक उपक्रमाचे कौतुक केले.
कार्यक्रम यशस्वीरीत्या पार पाडण्यासाठी रोटरी क्लब वरोराच्या सर्व सदस्यांनी परिश्रम घेतले.
Comments
Post a Comment