चंद्रपूर जिल्हा बँकेचे माजी अध्यक्ष स्व. संजय जिवतोडे यांच्या पत्नी स्मिताताई यांचा सदिच्छा भेट; अध्यक्ष रवींद्र शिंदे यांच्याकडून सत्कार

 चंद्रपूर जिल्हा बँकेचे माजी अध्यक्ष स्व. संजय जिवतोडे यांच्या पत्नी स्मिताताई यांचा सदिच्छा भेट; अध्यक्ष रवींद्र शिंदे यांच्याकडून सत्कार

चंद्रपूर: चंद्रपूर जिल्हा मध्यवर्ती सहकारी बँकेचे माजी अध्यक्ष आणि सहकार क्षेत्रातील प्रभावी नेते स्व. संजय जिवतोडे उर्फ भाऊ यांच्या आठवणींना आज पुन्हा उजाळा मिळाला. त्यांच्या निधनानंतर त्यांचा विचारांचा वारसा समर्थपणे पुढे नेणाऱ्या त्यांच्या पत्नी स्मिताताई संजय जिवतोडे यांनी आज बँकेच्या मुख्य कार्यालयाला सदिच्छा भेट दिली.

बँकेचे अध्यक्ष रवींद्र शिंदे यांच्या हस्ते यावेळी स्मिताताई जिवतोडे आणि त्यांच्यासोबत आलेले विशाल खांडरे यांचा सत्कार करण्यात आला. बँकेचे अध्यक्ष आणि कौटुंबिक स्नेही या नात्याने रवींद्र शिंदे यांनी स्मिताताईंचे स्वागत केले. यावेळी त्यांनी राष्ट्रसंतांच्या पावन 'ग्रामगीता'ची प्रत आणि स्वाभिमानाचे प्रतीक असलेली 'भगवी टोपी' भेट देऊन सन्मान केला. यावेळी अध्यक्ष शिंदे यांच्या मनातील कृतज्ञता आणि आदरभावना उफाळून आल्या.

यावेळी बोलताना अध्यक्ष रवींद्र शिंदे यांनी भावना व्यक्त करताना सांगितले की, "स्व. संजयभाऊ जिवतोडे हे केवळ बँकेचे अध्यक्ष नव्हते, तर सहकार क्षेत्रातील माझे मार्गदर्शक होते. त्यांनी सहकार क्षेत्रात येण्याची दिशा दाखवली. त्यांच्या विचारांची शिदोरी घेऊन आम्ही सर्वजण बँकेचा विस्तार करत आहोत. भाऊंनी लावलेले सहकाराचे रोपटे आता वटवृक्ष होत आहे. 'सहकारातून समृद्धीकडे' नेण्याचा वसा आम्ही पूर्ण करू, हीच त्यांना खरी श्रद्धांजली असेल," असे शिंदे म्हणाले.

स्मिताताई जिवतोडे यांच्या आगमनाने बँकेच्या कार्यालयात एक वेगळेच वातावरण निर्माण झाले होते. त्यांनी बँकेच्या प्रगतीबद्दल समाधान व्यक्त केले. यावेळी बँकेतील महिला अधिकारी आणि कर्मचारी मोठ्या संख्येने उपस्थित होते.