आमदार किशोर जोरगेवार यांची अँजिओप्लास्टी; खासदार प्रतिभाताई धानोरकर यांनी रुग्णालयात जाऊन घेतली भेट

आमदार  किशोर जोरगेवार यांची अँजिओप्लास्टी; खासदार प्रतिभाताई धानोरकर यांनी रुग्णालयात जाऊन घेतली भेट

चंद्रपूर, ता. ता. : भारतीय जनता पक्षाचे चंद्रपूरचे आमदार श्री. किशोर जोरगेवार यांच्या प्रकृती अस्वास्थ्यामुळे त्यांना रुग्णालयात दाखल करावे लागले. येथे डॉक्टरांनी त्यांची अँजिओप्लास्टी केली असून, सध्या त्यांची प्रकृती स्थिर असल्याचे वैद्यकीय सूत्रांनी सांगितले.

दरम्यान, आमदार जोरगेवार यांच्या प्रकृतीची माहिती मिळताच खासदार प्रतिभाताई धानोरकर यांनी आज रुग्णालयात जाऊन त्यांची भेट घेतली. यावेळी त्यांनी आमदार जोरगेवार यांच्या प्रकृतीची मनापासून विचारपूस केली. खासदार धानोरकर म्हणाल्या, "आमदार किशोर जोरगेवार यांना उत्तम आरोग्य लाभो आणि ते लवकरात लवकर पुन्हा एकदा जनसेवेत सक्रिय होतील, अशी ईश्वरचरणी प्रार्थना आहे." या भेटीमुळे जोरगेवार कुटुंबीयांमध्ये समाधानाचे वातावरण निर्माण झाले आहे.