बोर्डा गावात विकासकामांचा शुभारंभ; आमदार करण देवतळे यांच्या हस्ते सीसी रस्ता व नाल्याचे उद्घाटन

 बोर्डा गावात विकासकामांचा शुभारंभ; आमदार करण देवतळे यांच्या हस्ते सीसी रस्ता व नाल्याचे उद्घाटन

बोर्डा (वरोरा तालुका) : येथील मातोश्री वॉर्डात विविध विकासकामांचा शुभारंभ आमदार करण देवतळे यांच्या हस्ते मोठ्या उत्साहात पार पडला. यावेळी त्यांनी नागरिकांना मूलभूत सुविधा पुरविण्याच्या दृष्टीने दोन महत्त्वपूर्ण विकासकामांचे उद्घाटन केले.

आमदार देवतळे यांनी प्रथम श्री अशोक जयस्वाल यांच्या घरापासून ते श्री सुनिल भोयर यांच्या घरापर्यंत सिमेंट काँक्रिट (सीसी) रस्ता बांधकामाचे उद्घाटन केले. तसेच श्री अमोल देठे यांच्या घरापासून ते श्री धात्रक यांच्या घरापर्यंत सिमेंट काँक्रिट नाली बांधकामाच्या कामाचेही उद्घाटन त्यांच्या हस्ते करण्यात आले. या कामांमुळे या भागातील नागरिकांची पायाभूत सुविधांसंदर्भातील मागणी पूर्ण झाली आहे.

या कार्यक्रमाला सरपंच राहुल ठेंगणे, डॉ. विजय देवतळे, सुनिल भोयर, कन्हैयालाल जयस्वाल, शंभूनाथ वरघाने, ओमजी मांडवकर, विजय मोकाशी, विठ्ठल लेडे, मोरे सर, वंदना दाते, अनिता देशेट्टीवर, अमृता सुर, किशन सुर, देविदास महाकाळकर, मधुसुधन टिपले, यशवंत सहारे यांच्यासह बोर्डा गावातील मोठ्या संख्येने ग्रामस्थ उपस्थित होते.

यावेळी बोलताना आमदार करण देवतळे यांनी गावाच्या सर्वांगीण विकासासाठी मूलभूत सुविधा मजबूत करणे गरजेचे असल्याचे सांगितले. त्यांनी उपस्थित नागरिकांशी संवाद साधून विविध स्थानिक प्रश्न व विकासकामांबाबत सविस्तर चर्चा केली. यावेळी नागरिकांनी आपल्या परिसरातील इतर समस्यांबाबतही आमदारांचे लक्ष वेधले. या चर्चेदरम्यान भविष्यातील विकासकामांबाबत आश्वस्त करून गावाचा सर्वांगीण विकास साधण्याचा संकल्प यावेळी व्यक्त करण्यात आला.

या विकासकामांमुळे मातोश्री वॉर्डातील नागरिकांची दळणवळणाची सोय सुलक्ष होणार असून पावसाळ्यात होणाऱ्या चिखल-पाण्याच्या समस्येपासून कायमस्वरूपी दिलासा मिळणार आहे. या उपक्रमाबद्दल ग्रामस्थांनी आमदार करण देवतळे यांचे आभार मानले.