चंद्रपूर जिल्हा मध्यवर्ती सहकारी बँकेत नवीन ‘कर्ज धोरण’ पुस्तिका प्रकाशित; ई-केवायसी सॉफ्टवेअरची सुरुवात जाहीर

चंद्रपूर जिल्हा मध्यवर्ती सहकारी बँकेत नवीन ‘कर्ज धोरण’ पुस्तिका प्रकाशित; ई-केवायसी सॉफ्टवेअरची सुरुवात जाहीर

चंद्रपूर: चंद्रपूर जिल्हा मध्यवर्ती सहकारी बँक आणि जिल्हा देखरेख सहकारी संस्था यांच्या संयुक्त विद्यमाने स्व. दादासाहेब देवतळे सभागृह, वरोरा येथे भव्य प्रशिक्षण शिबिर व नवनियुक्त संचालकांचा सत्कार सोहळा पार पडला. कार्यक्रमाच्या अध्यक्षस्थानी रविंद्र शिंदे उपस्थित होते.

चिमूर विधानसभा मतदारसंघाचे आमदार कीर्तिकुमार उर्फ बंटीभाऊ भांगडिया यांच्या हस्ते कार्यक्रमाचे उद्घाटन करण्यात आले. या प्रसंगी विशेष ‘कर्ज धोरण’ मार्गदर्शक पुस्तिकेचे प्रकाशन करण्यात आले. या पुस्तिकेत शेतीपूरक व बिगर शेती व्यावसायिक कर्जांची सविस्तर माहिती देण्यात आली आहे.

तंत्रज्ञानाचा वापर वाढवण्याच्या दृष्टीने बँक लवकरच ‘ई-केवायसी’ (e-KYC) सॉफ्टवेअर सुरू करणार असल्याचे जाहीर करण्यात आले. यामुळे पिकांच्या नुकसानीची माहिती बँकेला त्वरित मिळेल व बाधित शेतकऱ्यांना तातडीने मदत करणे सुलभ होईल.

या कार्यक्रमात आमदार कीर्तिकुमार उर्फ बंटीभाऊ भांगडिया यांच्यासह माजी केंद्रीय गृहराज्यमंत्री हंसराज अहीर, खासदार प्रतिभाताई धानोरकर, आमदार करण देवतळे, उपाध्यक्ष संजय डोंगरे, संचालक जयंत टेंभुर्डे, रोहित बोमावार, निशिकांत बोरकर, दिनेश चोखारे, डॉ. ललित मोटघरे, गणेश तरवेकर, कृषी उत्पन्न बाजार समिती सभापती वरोरा विजय देवतळे, कृषी उत्पन्न बाजार समिती सभापती भद्रावती राजू टोंगे तसेच मुख्य कार्यकारी अधिकारी राजेश कल्याणकर सह अनेक मान्यवर उपस्थित होते.

कार्यक्रमाचे संयोजक जयंत टेंभुर्डे यांनी उत्कृष्ट नियोजनाखाली कार्यक्रमाचे आयोजन केले. या यशस्वी आयोजनाबद्दल वरोरा तालुका सेवा सहकारी संस्था समितीच्या सर्व सदस्यांचे अभिनंदन करण्यात आले.