कॅन्सर निदान व मार्गदर्शन शिबिराचे आयोजन कल्याणेश्वर हनुमान मंदिर येथे गणेश मूर्ती प्राणप्रतिष्ठा वर्धापन दिनानिमित्त उपक्रम

कॅन्सर निदान व मार्गदर्शन शिबिराचे आयोजन 

कल्याणेश्वर हनुमान मंदिर येथे गणेश मूर्ती प्राणप्रतिष्ठा वर्धापन दिनानिमित्त उपक्रम

वरोरा : पंडित दीनदयाल उपाध्याय कॅन्सर हॉस्पिटल, चंद्रपूर (टाटा मेमोरियल ट्रस्ट, मुंबई) यांच्या सौजन्याने तसेच स्व. चंद्रभागाबाई नारायण घुमे बहुउद्देशीय संस्था, वरोरा यांच्या संयुक्त विद्यमाने भव्य मोफत कॅन्सर रोग निदान व मार्गदर्शन शिबिर आणि श्री गणेश मूर्ती प्राणप्रतिष्ठा वर्धापन दिन सोहळा कल्याणेश्वर हनुमान मंदिर, कॉलरी वॉर्ड, वरोरा येथे आयोजित करण्यात आला आहे.

या उपक्रमाचे आयोजन आमदार सुधीर मुनगंटीवार यांच्या संकल्पनेतून व आमदार करण देवतळे यांच्या मार्गदर्शनाखाली करण्यात आले आहे. वरोरा शहर व परिसरातील नागरिकांसाठी आरोग्य तपासणीची ही मोठी संधी उपलब्ध झाली असून, कॅन्सरचे प्राथमिक निदान, तपासणी आणि तज्ज्ञ डॉक्टरांचे मार्गदर्शन या शिबिराद्वारे करण्यात येणार आहे. तसेच पुढील उपचाराविषयी सविस्तर माहिती देण्यात येईल.

कार्यक्रमाचे ठिकाण कल्याणेश्वर हनुमान मंदिर, कॉलरी वॉर्ड, वरोरा असून, दि. २० जानेवारी २०२६ रोजी सकाळी १० ते दुपारी ४ वाजेपर्यंत शिबिर पार पडणार आहे.

तसेच श्री गणेश मूर्ती प्राणप्रतिष्ठा वर्धापन दिन सोहळा सकाळी ९ ते दुपारी १ या वेळेत आयोजित करण्यात आला आहे. संध्याकाळी ७ वाजता नवीन नगरसेवकांचा सत्कार समारंभ देखील होणार आहे.

या सर्व कार्यक्रमाचे भव्य आयोजन नगरसेविका  मनीषा संजय दानव यांच्या पुढाकाराने करण्यात आला आहे.

या कार्यक्रमाच्या यशस्वीतेसाठी संस्थेचे संस्थापक सचिव  आशिष मारोती घुमे, उपाध्यक्ष संजय दानव तसेच कल्यानेश्वर गणेश मंडळाचे कार्यकर्ते मेहनत घेत आहे.