प्रभाग क्रमांक ९ मध्ये राष्ट्रवादी काँग्रेसच्या प्रकाश गिरटकरची तुतारी वाजणार!
वरोरा : वरोरा नगरपरिषदेच्या सार्वत्रिक निवडणुकी २०२५ साठी प्रभाग क्रमांक नऊ मध्ये राष्ट्रवादी काँग्रेस पार्टी (शरद पवार गट), शिवसेना (उद्धव बाळासाहेब ठाकरे) आणि बहुजन वंचित आघाडी या महायुतीतर्फे श्री प्रकाशभाऊ गिरटकर सर्वसाधारण गट-ब मधून नगरसेवकपदाचे अधिकृत उमेदवार आहेत.
त्यांच्यासोबतच महिला राखीव गटातून श्रीमती मोनाली संतोष काकडे व नगराध्यक्ष पदासाठी सोनम पंकज नाशिककर हे उमेदवार आहेत. पक्षाचे कार्यकर्ते आणि समर्थक यांच्या उत्साही उपस्थितीत उमेदवारांची निवडणूक प्रचार आघाडीवर आहे.
प्रकाश गिरटकर हे ठेकेदार असून ते दीर्घकाळापासून समाजकार्यात सक्रिय सहभागी आहेत. यामुळे मोठ्या प्रमाणातील मजदूर वर्गाशी व वरिष्ठ नागरिकांसोबत त्यांचे जिव्हाळ्याचे संबंध आहेत आणि त्यांचा जनसंपर्क अतिशय दांडगा आहे. गरजूंची मदत करणे हा त्यांच्या स्वभावाचा भाग असल्याने जनसामान्यांशी त्यांची नाळ चांगली जोडलेली असल्याचे स्थानिक नेते सांगतात. या सर्व गुणांच्या आधारेच राष्ट्रवादी काँग्रेस पक्षाने त्यांना प्रभाग क्रमांक ९ साठी उमेदवारी बहाल केली आहे.
प्रभागातील मतदारांकडून मिळणाऱ्या सकारात्मक प्रतिसादाचा आधार घेऊन, पक्षाकडून मतदारांना विनंती करण्यात आली आहे की, येत्या मंगळवारी दोन डिसेंबर रोजी बटन क्रमांक 3 दाबून 'तुतारी' या बोधचिन्हावर आशीर्वाद रूपी मतदान देऊन प्रकाश गिरटकर यांना बहुमताने विजयी करण्याची विनंती पक्षाने केली आहे.
Comments
Post a Comment