भाजपमध्ये मोठ्या संख्येने सहकारी क्षेत्रातील पदाधिकाऱ्यांचा समावेश, भद्रावती कृषी उत्पन्न बाजार समितीचे संपूर्ण संचालक मंडळ सहभागी

भाजपमध्ये मोठ्या संख्येने सहकारी क्षेत्रातील पदाधिकाऱ्यांचा समावेश, भद्रावती कृषी उत्पन्न बाजार समितीचे संपूर्ण संचालक मंडळ सहभागी

भद्रावती

चेतन लूतडे 

चंद्रपूर, २ सप्टेंबर २०२५: भारतीय जनता पक्ष (भाजप) चे प्रदेशाध्यक्ष रवींद्र चव्हाण, राष्ट्रीय मागासवर्गीय आयोगाचे अध्यक्ष तथा माजी केंद्रीय मंत्री हंसराज गंगाराम अहीर (हंसराज भैया अहीर), आमदार कीर्तिकुमार उर्फ बंटी भांगडिया, आमदार किशोर जोरगेवार आणि आमदार करण देवतळे यांच्या प्रमुख मार्गदर्शनाखाली चंद्रपूर जिल्हा मध्यवर्ती सहकारी बँकेचे अध्यक्ष रवींद्र शिंदे यांच्या नेतृत्वात भद्रावती कृषी उत्पन्न बाजार समितीचे संपूर्ण संचालक मंडळ आणि इतर अनेक सहकारी क्षेत्रातील पदाधिकारी व कार्यकर्त्यांनी आज मंगळवारी भारतीय जनता पक्षात प्रवेश घेतला.

हा मोठा राजकीय समावेश चंद्रपूर जिल्ह्यातील भाजपची ताकद वाढवणारा ठरला आहे. भाजपच्या जनसंपर्क कार्यालयात या नव्याने सामील झालेल्या कार्यकर्त्यांचे मा. हंसराज अहीर, आमदार करण देवतळे, अध्यक्ष रवींद्र शिंदे, भाजपचे विधानसभा प्रमुख रमेश राजूरकर, माजी नगराध्यक्ष अनिल धानोरकर, भद्रावती तालुका अध्यक्ष शामसुंदर उरकुडे, शहर अध्यक्ष सुनील नामोजवार यांनी स्वागत केले.

जाहिरात

****************

भद्रावती कृषी उत्पन्न बाजार समितीचे संचालक मंडळ:

· उपसभापती अश्लेषाताई मंगेश भोयर

· संचालक गजानन उताणे, ज्ञानेश्वर डुकरे, मनोहर आगलावे, शामदेव कापटे, परमेश्वर ताजणे, शांताताई रासेकर, शरद जांभुळकर, कान्होबा तिखट, मोहन भुक्या

काँग्रेस पक्षातील संचालक:

· राजेंद्र डोंगे, अनिल चौधरी, राजू आसुटकर

शिवसेना (उबाठा) गटातील कार्यकर्ते:

· उबाठा युवासेना जिल्हाप्रमुख रोहण कुटेमाटे

· उपाध्यक्ष विश्वास कोंगरे, अरुण घुगुल, सतिश वरखडे, पवन नगराळे

· भद्रावती रहिवाशी आनंद तागडे, हरी रोडे, संतोष माडेकर, मारोती नागपूरे, विष्णु मत्ते

· शिवसेना (उबाठा) महिला आघाडीच्या माजी तालुका प्रमुख आशा ताजणे, शिला आगलावे, वर्षा आत्राम

सहकारी क्षेत्रातील इतर पदाधिकारी:

· भद्रावती तालुका नागरी पत संस्थेचे अध्यक्ष विनोद पांढरे

· कृषी उत्पन्न बाजार समितीचे माजी सभापती वासुदेव ठाकरे

· माजी उपाध्यक्ष संतोष आमने व माजी नगरसेवक प्रशांत डाखरे

या प्रसंगी उपस्थित असलेल्या मा. हंसराज अहीर यांनी नव्याने सामील झालेल्या सर्व कार्यकर्त्यांचे स्वागत केले आणि सहकारी चळवळीच्या विकासासाठी भाजप सरकारने केलेल्या कार्यांचा उल्लेख केला. त्यांनी असे आश्वासन दिले की, पक्षाच्या विचारसरणीत सामील होणाऱ्या प्रत्येक कार्यकर्त्याला योग्य सन्मान आणि कार्य करण्याची संधी मिळेल.

आमदार करण देवतळे यांनी म्हटले की, चंद्रपूर जिल्ह्यात भाजपची ताकद दिवसेंदिवस वाढत आहे आणि सहकारी क्षेत्रातील अशा प्रतिष्ठित व्यक्तींना पक्षात येण्याने पक्षबळाचा विस्तार होत आहे.

रवींद्र शिंदे यांनी म्हटले की, देशाच्या विकासासाठी सहकारी क्षेत्राला गती देण्याचे भाजपचे धोरण आणि पक्षाच्या कार्यकर्त्यांची शिस्त पाहून त्यांना भाजपमध्ये सामील व्हायचे ठरवले. त्यांच्या नेतृत्वात आलेल्या या गटामुळे जिल्ह्यातील सहकारी क्षेत्रात भाजपची लकडी मजबूत होणार आहे.