आरटीओ च्या गाडीची गाईंना धडक : एकीचा मृत्यू तर एक गाय गंभीर जखमी* *घोडपेठ गावाजवळील घटना*

कत्तलीसाठी नेली जात असलेली ३० जनावरे वाचवली; पोलिसांचा मोठा छापा

Posted by chetan on May 02, 2026 चेतन लूतडे

कत्तलीसाठी नेली जात असलेली ३० जनावरे वाचवली; पोलिसांचा मोठा छापा. जनावरांची अवैध वाहतूक उधळली, १९.५० लाखांचा मुद्देमाल जप्त बातमी:chetan lutade,warora/2/5/26 वरोरा (प्रतिनिधी) : वरोरा पोलीसांनी नाईट गस्तीदरम्यान मोठी कारवाई करत ३० गोवंशीय जनावरांची अवैध वाहतूक उधळून लावली असून सुमारे १९ लाख ५० हजार रुपयांचा मुद्देमाल जप्त करण्यात आला आहे. या प्रकरणी एका आरोपीला ताब्यात घेण्यात आले असून इतर साथीदार पसार झाले आहेत. पोलीसांकडून मिळालेल्या माहितीनुसार, दि. १ मे रोजी पहाटे ४.३५ वाजताच्या सुमारास वणी-चंद्रपूर मार्गावरील शेंबळ नाका परिसरात नाकाबंदी करण्यात आली होती. यावेळी नागपूरकडून येणारा आयशर कंटेनर (क्र. HR 55 T 4329) संशयास्पदरीत्या येताना दिसला. पोलिसांनी वाहन थांबविण्याचा इशारा दिल्यानंतर ट्रकमधील दोन इसम उडी मारून झुडपात पळून गेले, तर चालकाला ताब्यात घेण्यात आले. वाहनाची पंचासमक्ष झडती घेतली असता, ट्रकच्या मागील भागात ३० गोवंशीय बैल अत्यंत दाटीवाटीने, कोणतीही चारा-पाणी व्यवस्था न करता बांधून ठेवलेले आढळले. तसेच वाहतुकीसाठी आवश्यक परवाने व कागदपत्रे नसल्याचेही स्पष्ट झाले. ...

*आरटीओ च्या गाडीची गाईंना धडक : एकीचा मृत्यू तर एक गाय गंभीर जखमी*

*घोडपेठ गावाजवळील घटना*

अतुल कोल्हे भद्रावती :-

चंद्रपूर वरून वरोऱ्याकडे सुसाट वेगाने जाणाऱ्या आरटीओ वाहनाने रस्ता ओलांडत असलेल्या दोन गाईंना धडक दिल्याने झालेल्या अपघातात एका गाईचा जागीच मृत्यू झाला असून दुसरी गाय गंभीर जखमी झाली आहे. सदर घटना दिनांक ८ रोज रविवारला सायंकाळी साडेपाच वाजताच्या सुमारास घोडपेठ गावाजवळ चंद्रपूर-नागपूर हायवे वर घडली. सदर वृत्त लिहेपर्यंत याबाबत गुन्हा दाखल करण्यात आला नव्हता. सदर प्रकाराची योग्य ती चौकशी करून योग्य ती कारवाई करण्यात येईल असे पोलिसांकडून सांगण्यात आले. आरटीओचे एम. एच.०४केआर 64 34 हे स्कार्पिओ वाहन चंद्रपूरकडून वरोऱ्याकडे जात असताना घोडपेठ गावा जवळ रस्ता ओलांडणाऱ्या दोन गाईंना या वाहनाने जबरदस्त धडक दिली. यात एका गाईच्या जागीच मृत्यू झाला तर दुसरी गाय यात गंभीर जखमी झाली. गायीच्या मृत्यूमुळे गाय मालकाचे आर्थिक नुकसान झाले आहे.