ही निवडणूक शेतकऱ्यांच्या सन्मानाची, संविधान वाचवण्यासाठी, महिलांच्या हक्कासाठी ही लोकसभेची निवडणूक प्रत्येक व्यक्तीला मी खासदार समजून लढण्याची गरज

काँग्रेस निवडून आल्यास शेतकऱ्यांसाठी टेक्स्टाईल इंडस्ट्रीज तयार करणार.

आता रडणार नाही आता रडवणार .... प्रतिभाताई आक्रमक.

वरोरा 2/4/2024

चेतन लुतडे

2024 लोकसभा निवडणुकीचे बिगुल आता वाजले आहे. निवडणुकीची रणधुमाळी सुरू झाली. चंद्रपूर वरोरा आर्णी क्षेत्रासाठी भाजपाचे उमेदवार सुधीर मुनगंटीवार तर काँग्रेस पक्षाचे प्रतिभाताई धानोरकर असे दोन्ही तुल्यबळ उमेदवार 2024च्या लोकसभा निवडणुकीत समोरासमोर उभे आहे. याव्यतिरिक्त अनेक उमेदवार उभे आहेत. परंतु या क्षेत्रात सरळ लढत काँग्रेस विरुद्ध भाजपा अशीच होत असताना दिसत आहे. 

आ.सुधीर मुनगंटीवार यांनी उमेदवारी नाकारली होती मात्र पक्षश्रेष्ठीने दिलेल्या आदेशाचे पालन ते करीत आहे. तर

आ.धानोरकर यांना मागील प्रमाणे संघर्ष करून तिकीट मिळवावी लागली. या संघर्षाचा फायदा धानोरकर यांना मिळाला असून लोकसभेमध्ये परत येताच अलोट जनसागर पाहता धानोरकर यांना पती स्व.बाळू धानोरकर याची आठवण येताच अश्रू अनावर झाले होते.

या अश्रूचे भांडवल आ.सुधीर मुनगंटीवार यांनी चंद्रपूर येथील आपल्या भाषणेतून केले.  आणि यातूनच लोकसभेचे खरे विगूल  वाजले. आणि रणसंग्राम सुरू झाला आहे ‌.

नामांकन अर्ज भरत असताना दोन्ही पक्षाकडून शक्ती प्रदर्शन करण्यात आले. यावेळी झालेल्या भाषणादरम्यान दोन्ही पक्षातर्फे भावनात्मक खेळ खेळण्यात आला. यामध्ये धानोरकर यांचाच फायदा होताना दिसला. 

 लोकसभा निर्वाचन क्षेत्रामध्ये धानोरकर यांच्या बाजूने भावनात्मक जनता जास्त प्रमाणात जुळत गेली आहे. जातीचे प्राबल्य जरी मोठे असले तरी सहानुभूती ही महिलाच्या बाजूने जात असताना दिसत आहे याचाच परिणाम लोकसभेवर नक्की पडेल असे जाणकारांचे मत आहे.

विकासपुरुष सुधीर मुनगंटीवार यांना जिल्ह्याचे पालकमंत्री , माझी अर्थमंत्री, तथा वने व सांस्कृतिक व मत्स्य मंत्री म्हणून कार्य करता आले. या कालावधीत जिल्ह्यात कोणता विकास झाला  याची उत्तरे त्यांना द्यावी लागणार आहे. 

एक एप्रिल सोमवार ला झालेल्या काँग्रेस कार्यकर्ता मेळाव्या दरम्यान आ.प्रतिभाताई धानोरकर यांनी प्रतिस्पर्धी उमेदवाराला अडचणीत आणणारे प्रश्न निर्माण केले आहे.

पर्यावरणावर आधारित 33 कोटी वृक्ष कुठे गेले. ते जर आज मोठे झाले असते तर नक्कीच चंद्रपूरचे प्रदूषण कमी झाले असते.

ईडीचा धाक दाखवून नका आम्हाला, दोनदा तडीपार करण्यात आले होते शिवसेना स्टाईलने बरेच आंदोलन केले त्यामुळे जनता आमच्या पाठीशी आहे. जेलमध्ये टाकले तरी भिनार नाही असे खडतर उत्तर प्रतिभाताई धानोरकर  यांनी दिले आहे.

 

विदर्भ अलग मुद्द्यावर सुधीर मुनगंटीवार हे विदर्भासोबत  खोटे बोलले आहेत यावेळेस चंद्रपूर आर्णी लोकसभेतील सर्व जनतेला याचे उत्तर मागणीची वेळ आली आहे.

मोठ्या मोठ्या बिल्डिंग आणि रोड बांधल्याने विकास होत नाही. इतक्या वर्षात शेतकऱ्यांसाठी सिंचनाच्या सोयी सुविधा किंवा मोठे प्रकल्प जिल्ह्यात तयार केले गेले नाही.

 त्यामुळे ही निवडणूक शेतकऱ्यांच्या सन्मानाची, संविधान वाचवण्यासाठी, महिलांच्या हक्कासाठी ही लोकसभेची निवडणूक प्रत्येक व्यक्तीला मी खासदार समजून लढण्याची गरज आहे विजय नक्कीच काँग्रेस पक्षाचा होईल असा आत्मविश्वास प्रतिभाताई यांनी व्यक्त केला.

मी खासदार म्हणून निवडून आल्यास सुशिक्षित बेरोजगारांसाठी एमआयडीसी एरियातील कंपन्यांमध्ये बेरोजगारांना नोकरी मिळण्याबाबत प्रयत्न करणार असून  शेतकऱ्याच्या दृष्टीने आपल्या क्षेत्रात चांगल्या प्रतीचा कापूस निर्माण होतो यावर आधारित टेक्स्टाईल इंडस्ट्रीज उभी करण्याचा प्रयत्न करेल. असा विश्वास जमलेल्या सर्व कार्यकर्त्यांना बोलून दाखविला.

यावेळी काँग्रेस पक्षात मोठ्या प्रमाणात पक्षप्रवेश घेण्यात आला. या कार्यक्रमासाठी वरोरा तालुक्यातील आमदार प्रतिभाताई धानोरकर, सुभाष धोटे, राजू चिकटे, विलास टिपले, हेमंत खापणे,यशोदा खामनकर , मोनू चिमूरकर, राजू महाजन, विशाल बदखल, किशोर डुकरे , एड. बुरान, आप पक्षाचे पदाधिकारी या सह सर्व काँग्रेस कार्यकर्ते व मित्र पक्ष  आशीर्वाद हॉलमध्ये झालेल्या मेळाव्या दरम्यान मोठ्या प्रमाणात  उपस्थित होते.