कल्पतरू सोशल क्लब मेळावा उत्साहात साजरा आमदार प्रतिभाताई धानोरकर यांची सदिच्छा भेट.

विकसीत महाराष्ट्र्रात चंद्रपुरचे योगदान आवश्यक – पालकमंत्री डॉ. वुईकेØ महाराष्ट्र दिनानिमित्त मुख्य शासकीय ध्वजारोहन कार्यक्रम संपन्नØ उत्कृष्ट कार्य करणा-यांचा सत्कारØ महापालिकेच्या वतीने नागरिकांना घरकुल पट्टे वाटप

Posted by chetan on May 01, 2026 चंद्रपूर

विकसीत महाराष्ट्र्रात चंद्रपुरचे योगदान आवश्यक – पालकमंत्री डॉ. वुईके Ø महाराष्ट्र दिनानिमित्त मुख्य शासकीय ध्वजारोहन कार्यक्रम संपन्न Ø उत्कृष्ट कार्य करणा-यांचा सत्कार Ø महापालिकेच्या वतीने नागरिकांना घरकुल पट्टे वाटप चंद्रपूर, दि. 01 : देशाचे पंतप्रधान नरेंद्र मोदी यांनी सन 2047 पर्यंत 'विकसीत भारताचे' उद्दिष्ट ठेवले आहे. याच धर्तीवर राज्याचे मुख्यमंत्री देवेंद्र फडणवीस यांनीसुध्दा 'विकसीत महाराष्ट्र' घडविण्याचा संकल्प केला आहे. शेतकरी, शेतमजूर, आदिवासी, दलित, वंचित यांच्यासह दुर्बल घटकाचा विकास, हाच आमच्या सरकारचा मुख्य केंद्रबिंदू आहे. चंद्रपूर जिल्हा प्रशासन यासाठी काम करीत असून विकसीत महाराष्ट्रात चंद्रपूर जिल्ह्याचे योगदान अग्रस्थानी राहील, अशी ग्वाही राज्याचे आदिवासी विकास मंत्री तथा चंद्रपूर जिल्ह्याचे पालकमंत्री डॉ. अशोक वुईके यांनी दिली. पोलिस मुख्यालय येथे शुक्रवारी महाराष्ट्र दिनानिमित्त आयोजित मुख्य शासकीय ध्वजारोहन कार्यक्रमात ते बोलत होते. यावेळी महापौर संगिता खांडेकर, खासदार प्रतिभा धानोरकर, आमदार किशोर जोरगेवार, जिल्हाधिकारी वसुमना पंत, म...

कल्पतरू सोशल क्लब मेळावा उत्साहात साजरा

आमदार प्रतिभाताई धानोरकर यांची सदिच्छा भेट.

वरोरा

चेतन लुतडे वरोरा

सामाजिक कार्यात अग्रेसर असलेल्या कल्पतरू सोशल क्लबच्या वतीने २ फेब्रुवारी पासून फन फेस्टचे आयोजन तालुका क्रीडा संकुल येथे भव्य दिव्य रोषणाईत करण्यात आले.

या पाच दिवसाच्या महोत्सवात बऱ्याच राजकीय ,सामाजिक मान्यवरांनी भेटी दिल्या.

वरोरा भद्रावती विधानसभेचे आमदार प्रतिभाताई धानोरकर, आमदार किशोर जोरगेवार , चंद्रपूर यांनी या महोत्सवास भेट देऊन कल्पतरू मंडळास शुभेच्छा व्यक्त केल्या. यापेक्षाही मोठे आयोजन मंडळातर्फे करण्यात यावे या क्षेत्राचे आमदार म्हणून काही मदत लागल्यास लहान बहीण म्हणून हक्काने मागून घ्यावी. असे वक्तव्य आमदार प्रतिभाताई धानोरकर यांनी केल्याने आयोजन मंडळाच्या सदस्यांमध्ये नवचैतन्य निर्माण झाले होते.

वरोरा शहरासाठी पर्वणी ठरलेल्या मेळाव्यात छोट्या कलाकारांनी कल्पतरू व्यासपीठावर आपले कौशल्य दाखवत प्रेक्षकांना मंत्रमुग्ध केले. वेगवेगळ्या दिव्यांनी सजवलेले भव्य दिव्य मैदान, मोठे मोठे बॅनर्स प्रत्येक व्यक्तीला मोहीत करत होते . मेळाव्यामध्ये देशी विदेशी पदार्थांचा आस्वाद वरोराकरांनी घेतला . परिसरातील उंच झुले लहान मुलांचे आकर्षण बनले होते. नामांकित कंपन्यांचे स्टॉल व प्रदर्शनी या मेळ्यासाठी आकर्षणाचे केंद्र बनले होते. पुढील वर्षी याहीपेक्षा मोठे आयोजन करण्याचा विश्वास आयोजकांनी व्यक्त केला.

या कार्यक्रमाच्या यशस्वीतेसाठी राजू महाजन, चेतन शर्मा, शशी चौधरी, दर्शन मालू ,परीक्षित एकरे, तरुण वैद्य, निकेश संचेती, नीरज चौधरी, प्रणय मालू यांच्यासह सर्व पदाधिकारी व सदस्यांनी परिश्रम केले.