राजूर ते भांदेवाडा रस्त्याची दुरावस्था दूर करा: किशोर टोंगे यांची मागणी

राजूर ते भांदेवाडा रस्त्याची दुरावस्था दूर करा: किशोर टोंगे यांची मागणी

भांदेवाडा येथे विदेही सद्गुरू श्री जगन्नाथ महाराज यांचे संस्थान असून मोठ्या प्रमाणात भक्त संप्रदाय बाबांच्या दर्शनाला भांदेवाडा येथे

 जात असतो. मात्र राजूर ते भांदेवाडा या रस्त्याची अवस्था अत्यंत दयनीय असून त्याची तात्काळ दखल घेऊन प्रशासनाने हा रस्ता तातडीने मार्गी लावावा अशी मागणी युवा नेते किशोर टोंगे यांनी केली.

चंद्रपूर, यवतमाळ आणि वर्धा जिल्ह्यातून मोठ्या प्रमाणात सद्गुरू श्री जगन्नाथ बाबा यांना मानणारा मोठा वर्ग असून नित्यनियमाने बाबांच्या दर्शनासाठी लोकं उपस्थित राहतात. शासनाने लक्ष घालून या तीर्थक्षेत्राचा विकास घडवून आणावा. यातून पर्यटन आणि विकासाला चालना मिळेल, स्थानिक लोकांना रोजगार मिळेल.

यासाठी पायाभूत सुविधाची गरज असून रस्ता प्राधान्याने दुरुस्त करावा व भाविकांना चांगल्या सुविधा उपलब्ध करून अशी मागणी त्यांनी केली.