वरोरा ः शिवसेनेच्या पूर्व विदर्भसंपर्क नेत्या शुभांगी नांदगावकर यांचे मंगळवारी (ता. २१) वरोऱ्यात आगमन होत आहे. यानिमित्ताने येथील धनोजे कुणबी सभागृहात दुपारी बारा वाजता महिला मेळावा आणि पक्षप्रवेश सोहळा आयोजित करण्यात आला आहे. या मेळाव्याला उपजिल्हाप्रमुख, तालुकाप्रमुख, शहरप्रमुख, महिला संघटिका, पदाधिकारी, तालुक्यातील नगरसवेक, ग्रामपंचायत सदस्यांनी उपस्थित राहावे, असे आवाहन शिवसेना महिला आघाडीच्या जिल्हाप्रमुख योगिता लांडगे यांनी केले आहे. शिवसेनेचे जिल्हाप्रमुख नित्तीन मत्ते, सहसंपर्कप्रमुख बंडू हजारे यांच्या सूचनेनुसार हा मेळावा आयोजित करण्यात आला आहे. शिवसेनेच्या या महिला मेळाव्याला जिल्ह्यातील महिला पदाधिकारी, कार्यकर्त्यांनी सहभागी व्हावे, असे आवाहन जिल्हाप्रमुख नितीन मत्ते यांनी केले आहे.
जाहिरात विभाग.
आजच भेट द्या....
Comments
Post a Comment