पट्टीदार वाघाने घेतला गोठ्याचा आसरा.
दुपारपासून हा वाघ इथेच बसून आहे.
गावकऱ्यांची झोप उडाली.
वरोरा
चेतन लूतडे वरोरा
तालुक्यातील चारगाव बु. येथे मोठ्या पट्टेदार वाघाने सतत सुरू असणाऱ्या पावसामुळे गोठ्यात आसरा घेतला आहे.
वरोरा चिमूर महामार्गावरील चारगाव बुद्रुक येथील शेतकरी संजय लाखे यांच्या गोठ्यात एका मोठ्या पट्टीदार वाघाने दुपारपासून ठाण मांडले असून नागरिक पाहण्यासाठी गर्दी करीत आहे. लहान मुलांपासून मोठ्या माणसापर्यंत गर्दी लागली असून मोबाईल मध्ये चित्रीकरण करण्यासाठी ओढ लागली आहे. वनविभागाला पाचारण केले असून अजून पर्यंत वनविभाग पोहोचू शकले नाही. संध्याकाळची वेळ झाली असून टॉर्च ने वाघावर प्रकाश दाखवून गावकरी फोटो काढण्याचा प्रयत्न करीत आहे. रात्रीच्या अंधारात गावामध्ये लाईट नसून गावकऱ्यांची चिंता वाढलेली आहे. सततच्या पावसामुळे या वाघाने गोठ्याचा आश्रय घेत एका लाकडावर बसून असल्याचा अंदाज व्यक्त केला जात आहे. या परिसराला लागूनच ताडोबाचे जंगल लागून असल्याने या परिसरात हिस्त्र प्राण्यांचा वापर नेहमीच असतो.
Comments
Post a Comment