बातमी:6/5/26
वरोरा : शहरातील राजीव गांधी वार्ड परिसरात घरासमोर झालेल्या वादातून चुलत भावाने सायकलने डोक्यावर हल्ला केल्याची घटना घडली आहे. या प्रकरणी जखमी व्यक्तीने वरोरा पोलीस ठाण्यात तक्रार दाखल केली असून पुढील तपास सुरू आहे.
पोलीसांनी दिलेल्या माहितीनुसार, नासीर अहमद शेख (वय ४५, रा. राजीव गांधी वार्ड, वरोरा) हे मजुरीचे काम करतात व कामानिमित्त हैद्राबाद येथे जात असतात. ११ एप्रिल रोजी ते घरी परत आले होते.
४ मे २०२६ रोजी सायंकाळी सुमारे ६ वाजताच्या सुमारास ते घरासमोर उभे असताना त्यांचा चुलत भाऊ इस्ताक मुस्ताक शेख (वय ३५, रा. कर्मवीर वार्ड, वरोरा) तेथे आला. घराकडे वारंवार येण्याबाबत विचारणा केली असता दोघांमध्ये वाद झाला.
या वादादरम्यान इस्ताक शेख हा मद्यधुंद अवस्थेत असून त्याने भावाच्या पत्नी संबंधित आक्षेपार्ह वक्तव्य केले, असा आरोप आहे. त्यानंतर त्याने जवळ पडलेली लहान सायकल उचलून नासीर शेख यांच्या डोक्यावर मारली. या हल्ल्यात त्यांच्या डोक्याला दुखापत होऊन रक्तस्राव झाला.
जखमी अवस्थेत त्यांनी तत्काळ दवाखान्यात जाऊन उपचार घेतले व त्यानंतर पोलीस स्टेशन गाठून तक्रार दिली.
या प्रकरणी आरोपी इस्ताक मुस्ताक शेख याच्याविरुद्ध गुन्हा नोंद करण्यात आला असून तपास पोलीस उपनिरीक्षक मनोज वासाडे करत आहेत.
Comments
Post a Comment