आष्टी काकडे येथील बेपत्ता इसमाचा गावातील शेतशिवारातच सापडला मृतदेह. भद्रावती.

आष्टा येथे अवैध दारू विक्रीवर पोलिसांची धाड; 81 शिश्या जप्त, आरोपीवर गुन्हा

Posted by chetan on April 28, 2026 चेतन लूतडे

आष्टा येथे अवैध दारू विक्रीवर पोलिसांची धाड; 81 शिश्या जप्त, आरोपीवर गुन्हा दाखल. बातमी:28/4/26 शेगाव (बु.) : भद्रावती तालुक्यातील आष्टा येथे अवैध देशी दारू साठवून विक्री करणाऱ्या इसमावर शेगाव (बु.) पोलिसांनी कारवाई करत गुन्हा नोंद केला आहे. ही कारवाई 26 एप्रिल रोजी दुपारी करण्यात आली. पोलीस उपनिरीक्षक सुमित कांबळे व पोलीस हवालदार संतोष निषाद हे परिसरात पेट्रोलिंग करत असताना त्यांना मुखबिरामार्फत माहिती मिळाली की, आष्टा येथील शरद मारोती पेटकुले (वय 44) हा आपल्या राहत्या घरी अवैधरित्या देशी दारू साठवून विक्री करत आहे. माहितीच्या आधारे पोलिसांनी पंचांसह आरोपीच्या घरी धाड टाकली. पंचासमक्ष घराची झडती घेतली असता हॉलमधील एका कोपऱ्यात प्लास्टिकच्या पिशवीत 81 नग देशी दारूच्या सिलबंद शिश्या (प्रत्येकी 90 मि.ली.) आढळून आल्या. या दारूची किंमत सुमारे 3,240 रुपये असल्याचे निष्पन्न झाले. आरोपीकडे दारू बाळगण्याचा कोणताही परवाना नसल्याने पोलिसांनी पंचासमक्ष दारू जप्त केली. नमुना शिशी सील करून तपासासाठी ठेवण्यात आली. या प्रकरणी शरद मारोती पेटकुले याच्याविरुद्ध महाराष्ट्र दारूबंदी कायद्यांतर...

आष्टी काकडे येथील बेपत्ता इसमाचा गावातील शेतशिवारातच सापडला मृतदेह.

भद्रावती.

बारा दिवसांपासून बेपत्ता असलेल्या तालुक्यातील आष्टी काकडे येथील एका 57 वर्षीय इसमाचा अखेर गावातील शेतशिवारातच मृतदेह कुजलेल्या अवस्थेत आढळून आल्याने गाव परिसरात खळबळ उडाली आहे.वामन दादाजी काकडे, वय 57 वर्ष, राहणार आष्टी काकडे. असे या मृतक इसमाचे नाव आहे. या घटनेची माहिती भद्रावती पोलिसांना प्राप्त झाल्यानंतर त्यांनी घटनास्थळी जाऊन आवश्यक ती कारवाई केली व मृतदेह भद्रावती येथील ग्रामीण रुग्णालयात शवाविच्छेदनासाठी पाठविला. मृतक वामन दादाजी काकडे हा गेल्या बारा दिवसांपासून घरातून निघून गेलेला होता. त्याच्या बेपत्ता असल्याची तक्रार भद्रावती पोलिसात देण्यात आली होती. आज सकाळी दहा वाजताच्या दरम्यान त्याचा मृतदेह गावातील एका शेतशिवारातच आढळून आला. त्याच्या मृत्यूचे कारण अद्याप समजू शकले नाही. घटनेचा पुढील तपास भद्रावती पोलीस करीत आहे.